سەرنووچە:

کاوە عەبدولقادر: پێدڤیە پەرلەمانتار گڤاشتنێ بکەن ژبۆ کو دەست ب پارڤەکرنا مووچەی بهێتە کرن

فۆتۆ: 
2020-06-03

354 جار خوێندراوەتەوە

پەرلەمانتارەکێ کوردستانێ راگەهاند، "پێدڤیە پەرلەمانتار و لیژنەیا دارایی بلەزترین دەم دەربارەی ٤٠٠ ملیارێن بەغدا بهێنە دەنگ و گڤاشتنێ دروست بکەن هەیا کو دەست ب پارڤەکرنا مووچەی بهێتەکرن". دبێژیت ژی، "چەند عەیبە خۆ ب حکومەت بزانی و د نیڤ سالێ دا تە یەک مووچە پارڤەکربیت".

کاوە عەبدولقادر ئەندامێ پەرلەمانێ کوردستانێ لسەر فراکسیۆنا نەوەی نوێ ڕاگەهاند، "حەفتیا دەربازبوویی حکومەتا هەرێمێ (٤٠٠) ملیار دینارێن ل بەغدا وەرگرتی، لگۆری لهەڤهاتنا ناڤبەرا وان ئەو کۆژمێ پارەی تنێ بۆ مووچەیێ مووچەخۆرانە، لێ حەفتیەک دەربازدبیت بسەر هاتنا پارەیێ بەغدا و هەیا نها حکومەتێ دەست ب پارڤەکرنا مووچەی نەکریە".

دازانین ژی، "ژبەر ڤێ یەکێ پێدڤیە پەرلەمانتار و لیژنەیا دارایی ل پەرلەمانی بلەزترین دەم بهێنە دەنگ و گڤاشتنێ لسەر حکومەتێ دروست بکەن ژبۆ کو دەست ب پارڤەکرنا مووچەی بهێتەکرن، ڕێ نەدەن وەک بودجە و داهاتێن دی ئەڤ پارەیە ژی بهێتە بێسەروشینکرن".

ئەو یەک ژی گوتیە، "چەند عەیبە خۆ ب حکومەت بزانی و د نیڤ سالێ دا تە یەک مووچە پارڤەکربیت".

بەحسا وێ یەکێ ژی کر، "پێدڤیە خەلک بەرسڤا ڤێ پسیارێ بدەت، کو ئەرێ میللەت هەژی ڤی جۆرێ حکومڕانیێ یە؟ یان ئەڤ دەستهەلاتە هەژی وێ نینە حوکمڕانیا میللەتێ مە بکەت".

د دەمێن دەربازبوویی دا، بەغدا ٤٠٠ ملیار دینار بۆ هەرێمێ شاندن، لێ چەند ژێدەران ژ حکومەتا هەرێمێ ڕاگەهاند، کو پشکەکا وی کۆژمێ پارەی ب قەڕێن کۆمپانیایان دانە.

س.م