سەرنووچە:

ژوورا ئۆپەراسیۆنان یا دهۆکێ بڕیاردا چەند ئاسانکاری بۆ وەلاتیان بهێنەکرن

فۆتۆ: 
2020-06-03

785 جار خوێندراوەتەوە

پشتی پێدانا دەستهەلاتێ ب پارێزگارن ژ ئالیێ وەزارەتا ناڤخۆیا هەرێمێ ڤە، ژوورا ئۆپەراسیۆنان ل دهۆکێ ڕاگەهاند، سەمۆنخانە و نانپێژی و مارکێت دهێنە ڤەکرن، هەروەسا هند ڕێ پێدانان دێ ب جۆتیاران ژی دەن.

ئەڤرۆ چارشەمبیێ ژوورا ئۆپەراسیۆنان ل دهۆکێ ب سەرپەرشتیا فەرهاد ئەترۆشی پارێزگارێ دهۆکێ جڤیا و پشتی جڤینێ ژی چەند کارئاسانی بۆ بڕێڤەبرنا ژیانا ڕۆژانەیا وەلاتیان دەرکرن، ئەو ژی ڤه‌كرنا سه‌مۆنخانە، نانپێژى، ماركێت، جهێن كه‌لوپه‌لێن خارنێ و كه‌سكاتى و فێقى و سپیاتى و جهێن فروتنا گوشتى ژ ده‌مژمێر ٥ێ سپێدێ بۆ ١٠ێ شەڤێ.

هەروەسا بڕیار دان، ب ڤه‌كرنا گومكرێن كه‌سكاتیێ و كه‌لوپه‌لێن خارنێ ژ ده‌مژمێر ٣ێ سپێدێ بۆ ٤ێ ئێڤاری. د بڕیاران دا ئەو یەک ژی هاتیە، کو دێ  ده‌رمانخانه ‌ و بەنزینخانە ب شه‌ڤ و ڕۆژ ڤه‌كریبن و به‌لاڤكرنا غازێ و گازێ بۆ مولیدان ژ ده‌مژمێر ٨ێ سپێدێ بۆ ١٠ێ شەڤێ دبیت.

بەحسا وێ یەکێ ژی هاتیە کرن، کو دێ كارگه‌هێن بەرهەمێن سپیاتیێ ژ ده‌مژمێر ٦ێ سپێدێ هەتا دەمژمێر ١٠ێ شەڤێ هێنە ڤەکرن.

دەربارەی ڕێپێدانێن بیاڤێ چاندنیێ و کارێ ڕۆژانەیێ جۆتکاران بڕیار دانە، جوتکار هاتن و چوونێ بكه‌ن ب ئاوایەکێ ل دەمژمێر ٥هەتا٧ێ سپێدێ قەستا ڕەز و باغێن خۆ بکەن و ژ دەمژمێر ٨هەتا١١ێ شەڤێ ڤەگەڕن.

هەر بیاڤێ چاندنیێ و کارێ جوتکاران دا، ڕێ هاتیەدان جوتکار بەرهەمێن خۆ ڤەگوهێزن ژ دەمژمێر ٤ێ ئێڤاری هەتا ٤ێ سپێدێ. هەروەسا، رێپێدان ب ئامیرتێن دورینێ و ڤه‌گوهاستنێ ب شه‌ڤ و ڕۆژ.

ئەو یەک ژی هاتیە بەحس کرن، کو ڕێ هاتیەدان ب پڕۆژێن سامانێ ئاژه‌لى ژ ده‌مژمێر ٦ێ سپێدێ هه‌تا ١٠ێ شه‌ڤێ هەروەسا ڕێ ب ئینان و برنا به‌رهه‌مێن ئاژه‌لى د ناڤبه‌را پارێزگه‌ها هه‌ولێر و دهۆك دایە و رێ بۆ فرۆتنا كه‌لوپه‌لێن چاندنێ ژده‌مژمێر ٥ێ سپێدێ هه‌تا ١٠ شه‌ڤێ.

س.م