سەرنووچە:

ب تومەتا هاندانا خونیشاندانان داواکارێ گشتى سکالایێ دێ لسەر شاسوار عەبدولواحید تومارکەت

لسەر داخوازا وەزیرێ ناڤخۆ
فۆتۆ: 
2020-06-03

152 جار خوێندراوەتەوە

لسەر داخوازا وەزیرێ ناڤخۆ، داواکارێ گشتى ب تومەتا هاندانا خونیشاندەران و شکاندنا کەرەنتینێ دێ سکالا لسەر سەرۆکێ ڤەلڤینا نەوەى نوێ تومار کەت.

ژێدەرەکێ ل داواکارێر گشتى راگەهاند، لسەر داخوازا رێبەر ئەحمەد وەزیرێ ناڤخۆیێ حکومەتا هەرێمێ دێ سکالا لسەر شاسوار عەبدولواحید تومار کەت.

زەلال ژى کر، سکالا ب تومەتا هاندانا خونیشاندەران و شکاندنا کەرەنتینێ لسەر سەرۆکێ ڤەلڤینا نەوەى نوێ دێ هێتە تومارکرن.

تومارکرنا وێ سکالایێ پشتى وێ یەکێ هات کو رۆژا سێشەمبی ٢ێ هەزیرانێ شاسوار عەبدولواحید چوو د ناڤ خونیشاندانا پشکەک ژ وەلاتی و کاسبکارێن باژارێ سلێمانیێ، کو ل دژی راگەهاندنا قەدەغەیا هاتن و چوونێ و داخستنا دکان و بازاری برێڤەچبوو.

ھەمان ڕۆژێ وەزیرێ نافخۆ د کۆنفرانسەکێ ڕۆژنامەڤانیێ دا گەفا گرتنەبەرا رێکارێن یاسایی ھەمبەر وان کەسان کربوو کو دژی رێکارێن قەدەغا ھاتن و چوونێ گاڤان بھاڤێن.