سەرنووچە:

سێمێل.. هێزێن ئەولەهیێ ڕێگری ژ خرڤەبوونەکا وەلاتیان کرن

فۆتۆ: 
2020-06-02

3193 جار خوێندراوەتەوە

ل قەزا سێمێلێ هێزێن ئەولەهیێ بەلاڤە ب خرڤەبوونەکا وەلاتیان کر، کو داخواز دکرن قەدەغەیا هاتن چوونێ بهێتە هەلگرتن.

نووچەگەهانێ ئێن ئاڕ تی ل دهۆکێ ڕاگەهاند، بەریا دەمەکێ هەژمارەک وەلاتی ل قەزا سێمێلێ یا گرێدایی پارێزگەها دهۆکێ خرڤەبوون ب مەرەما نیشاندانا نەڕازیبوونێ لهەمبەر دانانا قەدەغەیا هاتن و چوونا تەمام و داخستنا بازاڕان، لێ هەر زوو ژ ئالیێ هێزێن ئەولەهیێ ڤە بەلاڤە پێ هاتە کرن.

دیارکر ژی، وان وەلاتیان داخواز دکر قەدەغەیا هاتن و چوونێ بهێتە هەلگرتن ڕێ بهێتەدان بازاڕ ڤەببن و ئەو بچنە سەر کارێن، لێ هێزێن ئەولەهیێ ڕێ ب چ خرڤەبوونەکێ نادەن و ڕێکار توند کرینە.

ئەڤەژی د دەمەکێ دایە، ل ١ێ ڤێ مەهێ، وەزارەتا ناڤخۆیا حکومەتا هەرێمێ ڕاگەهاند، هەیا دەمژمێر ١٢ێ شەڤا ٦ێ هەزیرانا ٢٠٢٠ێ، قەدەغەیا هاتن و چوونا ترۆمبێل و پیادە ل سەرتاسەرێ هەموو کوردستانێ دێ هێتە جیبجیکرن.

سپێدەهیا ئەڤرۆ، ل هەریەک ژ سلێمانی و هەلەبجە و رانیە و دەربەندیخان و کەلار و گەرمیان  و چەندین جهێن دی وەلاتیان دەست ب خۆنیشاندان کرن و کو تێدا کاسبکار و دوکاندار و وەلاتیێن ئاسایی تیدا پشکداربوون داخوازا ڤەکرنا جهێن خۆیێن کاری دکرن.

هەر پشتی خۆنیشاندانێن وەلاتیان هەریەک ژ پارێزگارێن سلێمانیێ و هەولێرێ و هەلەبجە بڕیاردان، قەدەغەیا هاتن و چوونێ رابکەن بازار و جهێن گشتی ڤەکەن.

بێوار حلمی-دهۆک