سەرنووچە:

پارێزگارێ سلێمانیێ دەمێ راکرنا قەدەغەیا هاتن و چوونێ ئەشکەراکر

فۆتۆ: 
2020-06-02

1319 جار خوێندراوەتەوە

پاڕێزگارێ سلێمانیێ ڕاگەهاند، سوبەهی چارشەمبیێ  دەمژمێر شەشێ ئێڤارێ هەموو سێکتەر دێ هێنەڤەکرن و قەدەغەیا هاتن و چوونێ دێ هێتە ڕاکرن.

هەڤال ئەبوبەکر، پارێزگارێ سلێمانیێ بۆ ئێن ئاڕ تی  ڕاگەهاند، سوبەهی چارشەمبێ، دەمژمێر ٦ێ ئێڤارێ ب مەرجێن توندێن ساخلەمیێ ڤە هەموو سێکتەرێن ناڤ باژاڕێ سلێمانیێ دێ هێنەڤەکرن.

دیارکر ژی، قەدەغەیا هاتن و چوونێ کو بەری نها هاتبوو ڕاگەهاندن، دێ هێتەڕاکرن و ب مەرجین توندێن ساخلەمیێ ڤە، دێ ژیانا ئاسایی دەستپێکەتە ڤە.

ئەڤەژی د دەمەکێ دایە، ل ١ێ ڤێ مەهێ، وەزارەتا ناڤخۆیا حکومەتا هەرێمێ ڕاگەهاند، هەیا دەمژمێر ١٢ێ شەڤا ٦ێ هەزیرانا ٢٠٢٠ێ، قەدەغەیا هاتن و چوونا ترۆمبێل و پیادە ل سەرتاسەرێ هەموو کوردستانێ دێ هێتە جیبجیکرن.