سەرنووچە:

سەرۆکێ حکومەتا هەرێمێ دەربارەی قەدەغەیا هاتن و چوونێ پەیامەک بەلاڤکر

فۆتۆ: 
2020-06-01

423 جار خوێندراوەتەوە

سەرۆکێ حومەتا هەرێما کوردستانێ ڕاگەهاند، بڕیارا قەدەغەیا هاتن و چوونێ ژ پێخەمەت پاراستنا ساخلەمی و زێدەنەبوونا توشبوویێن کۆڕۆناییە.

ئەڤرۆ دووشەمبێ، مەسرور بارزانی سەرۆکێ  حکومەتا هەرێما کوردستانێ د هەژمارەیا خۆ یا تویتەرێ دا ڕاگەهاندیە،" نها بڕیارا سەرتاسەریا قەدەغەیا هاتن و چوونێ کو ل سەرتاسەری هەرێما کوردستانێ بۆ دەمێ پێنج ڕۆژان هاتیە داین، ژ پێخەمەت پاراستنا ساخلەمیا مەیە، ژبەر زێدەبوونا هەژمارا توشبوویێن کۆڕۆنایێ یە ب ئاوایەکێ بەرچاڤ".

ئاماژە ب وێیەکێ ژی کریە، " ژبەر هندێ پێدڤیە پێگیری بڕیارا قەدەغەیا هاتن و چوونێ بین و ب ئاوایەکێ بەردەوام ڕێنمایێن ساخلەمیێ لبەرچاڤ وەربگرین".

ژبەر زێدەبوونا هەژمارا توشبوویێن ڤایرۆسا کۆڕۆنایێ ل هەرێمێ د دەما چەند ڕۆژێن دەرباسبووی دا، حکومەتا هەرێمێ بۆ دەمێ پێنج ڕۆژان قەدەغەیا تەمام ل تەڤاهیا پارێزگەهـ و ئیدارەیێن سەربەخۆ ل ١ێ هەزیرانێ هەیا ٦ێ هەزیرانێ ڕاگەهاند.