سەرنووچە:

دهۆک.. دوو حالەتێن نوو یێن توشبوون ب کۆرۆنایێ هاتنە تومارکرن

فۆتۆ: 
2020-06-01

329 جار خوێندراوەتەوە

ساخلەمیا هەرێمێ ڕاگەهاند، دوو حالەتێن نوویێن توشبوون ب کۆرۆنایێ ل دهۆکێ هاتنە تۆمارکرن، کو هەموو بەرکەفتیێن و نیشانێن توشبوویێن هەنە.

وەزارەتا ساخلەمیا هەرێمێ ڕاگەهاند، "د بەردەوامیا پشکنین و گەڕیان لدیف گومانلێکریان، دوو توشبوویێن دیێن ڤایرۆسێ کۆرۆنایا نوو COVID-19 ل پارێزگەها دهۆکێ هاتنە دەستنیشانکرن، کو زەلامەکێ تەمەن ٥٢ و کچەکا تەمەن ٢٠ سال".

دیارکر ژی، "هەر دوو توشبوو ئاکنجیێن ناڤ باژاڕێ دهۆکێ نە، یەک بەرکەفتیێ توشبوویەکێ یە و یا دی نیشانێن توشبوونێ لێ دیاربووینە ".

ب تۆمارکرنا ڤان حالەتان ژی، هەژمارا گشتیا توشبوویان ل پارێزگەها دهۆکێ بۆ ٣٩ کەسان بلندبوو، ژ وێ هەژمارێ ژی ١٩ کەس چێبووینەڤە.

لگۆری داویی ئاماران، هەیا نها ٧١٦ کەس د هەرێمێ دا توشی ڤایرۆسێ کۆرۆنایێ بوونە، ژ وێ هەژمارێ ژی ٤٢٠ کەس چێبووینەڤە.