سەرنووچە:

سلێمانی.. ١٠١ حالەتێن نوویێن توشبوون ب کۆڕۆنایێ هاتنە تۆمارکرن

فۆتۆ: 
2020-05-31

293 جار خوێندراوەتەوە

وەزارەتا ساخلەمیا هەرێمێ ڕاگەهاند،١٠١ حالەتێن نوویێن توشبوون ب کۆڕۆنایێ ل سلێمانیێ هاتنە تۆمارکرن، ب وێیەکێ ژی هەژمارا توشبوویان ل هەرێمێ گەهشتە ٧١٠ کەسان.

وەزارەتا ساخلەمیا ھەرێمێ ڕاگەھاند،" د بەردەوامیا پشکنین و گەریان لدیف گۆمانلێکریان و توشبوویان ، کارینە ١٠١ توشبوویێن کۆرۆنایا COVID-19 ل پارێزگەھا سلێمانیێ ھاتنە دەستنیشانکرن".

هاتیە ژی،" کەسێن توشبوو زەلام و ژن و کەچ و کوڕ و گەنجن هەموو تەمەنەک د ناڤ وان دا هەنە، شەش توشبوو بەرکەفتیێن توشبوویێن بەرێ نە دوو توشبوویێن دی ژی پێشینەیا گەشتکرنێ هەنە و ٩٣ کەسێن دی ژی پشکنین بۆ هاتنە کرن و دەرکەفتیە  کو توشی کۆڕۆنایێ بووینە".

ئاماژە ب وێیەکێ ژی هاتیە کرن، " ٥١ توشبوو ل پێنجوێن، ٤٢ ژ ناڤەندا سلێمانیێ، سێ ل وارماوا، یەک ل کەلار، یەک ل کفری، یەک خانەقین، یەکێ دی ژی ل هەڵەبجە".

لگۆری داویی ئاماران، هەیا نها ٧١٠ کەس د هەرێمێ دا توشی ڤایرۆسێ کۆرۆنایێ بوونە، ژ وێ هەژمارێ ژی ٤٢٠ کەس چێبووینەڤە.