سەرنووچە:

وەزارەتا دارایی یا عێراقێ دەربارەی دووبارە شاندنا ٤٠٠ ملیاران زەلالکرن دا

فۆتۆ: 
2020-05-31

1266 جار خوێندراوەتەوە

وەزارەتا درایی یا عێراقێ ڕاگەهاند، هەیا لهەڤهاتنا دوایێ دگەل هەرێمێ نەهێتەکرن چ کوژمەکێ دیێ پارەی بۆ هەرێمێ ناشینن و ٤٠٠ ملیار دینار ژی بۆ مووچە و خەرجیێن هەرێمێ نە.

ئەڤرۆ یەکشەمبێ، وەزارەتا دارایی یا عێراقێ د نڤیسارەکێ دا زەلالکر، وەزارەتا وان پێگیرە ب یاسا و میکانیزمیێن  فەرمی یێن کارکرنێ ل فەرمانا تایبەت ب خەرجکرنا پارە و وی کوژمێ پارەی ژی کو ئێخستیە سەر حسابا بەنکا حکومەتا هەرێمێ بۆ خەجیێن هەرێمێ نە و دناڤ وان دا ژی مووچەیێ مەهاچار یا دەرباسبووی.

ئاماژە ب وێیەکێ ژی کریە، خەرجکرنا وی پارەی لگۆڕەی لهەڤهاتنێ یە دگەل هەرێمێ، لگۆڕەی نڤیسارا وان کو ژ ٢٩ێ ڤێ مەهێ بەحس ژ چونە ناڤ جڤینا نوونەرێن هەریەک ژ هەریم و بەغدا  ل هەما هەزیرانێ دکەت بۆ لهەڤهاتن و یەکئالیکرنا حسابا داوایێ یا ناڤبەرا هەردوو ئالیان ب پشتگرێدان ب یاسایا کارگێرییا دارای یا ناڤەندی.

بەحسا وێیەکێ ژی کریە، ژبلی خەرجکرنا وان ٤٠٠ ملیار دیناران، فەرمانا خەرجکرنا چ کوژمەکێ دیێ پارەی ناهێتەکرن هەیا لهەڤتنا تەمام و داوایێ ناڤبەرا حکومەتا هەرێمێ و ناڤەندێ نەهێتەکرن.

د چەند ڕۆژێن دەرباسبووی دا، وەزارەتا دارایی یا عێراقێ ڕاگەهاند، ٤٠٠ ملیار دینار ئێخستیە سەر حسابا وەزارەتا دارایی یا هەرێمێ ، لێ هەیا نها حکومەتا هەرێمێ چ خشتەیەک بۆ پارڤەکرنا مووچەیێ مەها دوو رانەگەهاندیە