سەرنووچە:

عێراق.. ٢٣٢ حالەتێن نوویێن توشبوون ب کۆرۆنایێ هاتنە تۆمارکرن

فۆتۆ: 
2020-05-31

128 جار خوێندراوەتەوە

ساخلەمیا عێراقێ راگەهاند، د ٢٤ دەمژمێرێن دەربازبووى دا ٢٣٢ حالەتێن توشبوون و ٤٦ چێبوونەڤە و نەهـ حالەتێن ژیان ژدەستدانێ هاتنە تومارکرن.

ئەڤرۆ یەشەمبێ، وەزارەتا ساخلەمی و ژینگەها عێراقێ راگەهاند، "د ٢٤ دەمژمێرێن دەربازبووى دا ٢٣٢ حالەتێن نوویێن توشبوون ب ڤایرۆسێ کۆرۆنایێ هاتنە تۆمارکرن، ب ئاوایەکێ ٩٥ ل بەغدا، ٣١ ل میسان، ٢٦ ل بابل، ٢٤ ل بەسڕە، ٢١ ل موسەنا، ٩ ل دیوانیە، حەفت ل واست، حەفت ل کەرکوک، حەفت ل نەجەف، دوو ل دیالە، دوو ل زیقار و یەک ل ئەنبار".

بەحسا وێ یەکێ ژی کریە، "ژ وێ هەژمارێ ١٢ توشبوو کارمەندێن ساخلەمیێنە و د کەرتێ ساخلەمیێ دا کار دکەن".

دیارکریە ژی، "٤٦ کەس ژ نەخۆشیێ چێبووینەڤە، کو ٢٩ ل بەغدا هەشت ل موسەنا، سێ ل بەسڕە، دوو ل دیوانیە، یەک ل دیالە، یەک ل سەڵاحەدین و یەک ل کەرکوک".

ئەو یەک ژی هاتیە، " نەهـ کەسان ب نەخۆشیێ ژیانا خۆ ژدەستدانە کو پێنج ل بەغدا، یەک ل کەرکوک، یەک ل دیالە و دوو ژی ل میسان".

لدیف داوی ئاماران، هەیا نها شەش هزار و ٤٣٩ کەس ل عێراقێ توشی ڤایرۆسێ کۆرۆنایێ بووینە و ژ وێ هەژمارێ ژى ٢٠٥ کەسان ژیانا خۆ ژ دەستداینە و سێ هزار و ١٥٦ کەس ژى چێبووینەڤە.