سەرنووچە:

حکومەتا هەرێمێ: دێ ڕاپۆرتا قەڕ و پێگیریێن دارایی ئاراستەی دیوانا چاڤدێریێ هێتەکرن

فۆتۆ: 
2020-05-31

147 جار خوێندراوەتەوە

سەرۆکێ حکومەتا هەرێما کوردستانێ بڕیاردا، ڕاپۆرتا تایبەتا قەڕ و پێگیریێن دارایی ئاراستەی دیوانا چاڤدێریا داراییا هەرێما کوردستانێ بهێتەکرن.

ئەڤرۆ یەکشەمبیێ حکومەتا هەرێما کوردستانێ ڕاگەهاندنەک بەلاڤکر و تێدا هاتیە، مەسرور بارزانی سەرۆکێ حکومەتا هەرێما کوردستانێ، جێگرێ سەرۆکێ حکومەتێ و وەزیرێن پەیوەندیدار، سەرپەرشتیا جڤینەکا تایبەت ب قەڕ و پێگیریێن دارایێن سەر حکومەتا هەرێما کوردستانێ کریە.

ئەو یەک ژی هاتیە، د جڤینێ دا بڕیار هاتیەدان ڕاپۆرتا تایبەتا قەڕ و پێگیریێن دارایی ئاراستەی دیوانا چاڤدێریا داراییا هەرێمێ کوردستانێ بهێتەکرن، وەک ئالیێن پەیوەندیدار ب مەرەما هووربینی و پێداچوونێ، ژبۆ کو بلەزترین دەم لبەردەستێ پەرلەمانێ کوردستانێ و ڕایا گشتی بهێتە دانان.

ڕۆژا ٢٢ێ ڤێ مەهێ، مەسرور بارزانی سەرۆکێ حکومەتا هەرێمێ د پەیامەکێ دا گوت، حکومەتا هەرێمێ ٢٧ ملیار دۆلاران یا قەردارە، ڤێ یەکێ ژی کارڤەدانا پەرلەمانی و بەشەک ژ حزبێن ئۆپۆزسیۆنێ لدیف خۆ دا ئینا.

س.م