سەرنووچە:

دهۆک.. دوو حالەتێن نوویێن توشبوون ب کۆرۆنایێ هاتنە تۆمارکرن

هەژمارا توشبوویان ل وێ پارێزگەهێ بۆ ٣٣ێ کەسان بلندبوو
فۆتۆ: 
2020-05-31

691 جار خوێندراوەتەوە

ساخلەمیا هەرێمێ ڕاگەهاند، دوو حالەتێن نوویێن توشبوون ب کۆرۆنایێ ل دهۆکێ هاتنە دەستنیشانکرن، بڤێ یەکێ ژی هەژمارا توشبوویان ل وێ پارێزگەهێ گەهشتە ٣٣ێ کەسان.

وەزارەتا ساخلەمیا هەرێمێ ڕاگەهاند، "د بەردەوامیا پشکنین و گەڕیان لدیف گومانلێکریان، دوو توشبوویێن دیێن ڤایرۆسێ کۆرۆنایا نوو COVID-19 ل پارێزگەها دهۆکێ هاتنە دەستنیشانکرن، کو زەلامەکێ تەمەن ٥٣ سالە و ئاکنجیێ ناڤ باژاڕێ دهۆکێیە، یا دی ژی زارۆکەکا تەمەن ١١ سالە و کچا نەخۆشەکێ بەرێیە و ئاکنجیا قەزا سێمێلە".

ب تۆمارکرنا ڤان حالەتان ژی، هەژمارا گشتیا توشبوویان ل پارێزگەها دهۆکێ بۆ ٣٣ کەسان بلندبوو، ژ وێ هەژمارێ ژی ١٩ کەس چێبووینەڤە.

لگۆری داویی ئاماران، هەیا نها ٦٠٨ کەس د هەرێمێ دا توشی ڤایرۆسێ کۆرۆنایێ بوونە، ژ وێ هەژمارێ ژی ٤٠٩ کەس چێبووینەڤە.

س.م