سەرنووچە:

وەزارەتا پەروەردێ دەربارەی داخلکرنا پۆلا ١٢ێ ئامادەیی بڕیار دا

فۆتۆ: 
2020-05-31

858 جار خوێندراوەتەوە

وەزارەتا پەروەردێ ڕاگەهاند، قوتابی و خواندەکارێن قوناغا پۆلا ١٢ێ ئامادەیی ب هەموو بەشان ڤە، ئەوێن دەرچووین و ئەوێن کو هەتا سێ وانەیان دەرنەچووین داخلی تاقیکرنێن گشتی (وەزاریێ) دبن.

ئەڤرۆ یەکشەمبیێ وەزارەتا پەروەردا هەرێمێ د ڕاگەهاندنەکێ دا دیارکر، "قوتابی و خواندەکارێن ١٢ێ ئامادەیی، ب هەموو بەشان ڤە ئەوین دەرچووین و ئەوێن هەیا سێ وانەیان ل وەرزێ یەکەم دەرنەچووین، دێ داخلی تاقیکرنێن گشتی (وەزاری) بن، پێدڤی ناکەت تاقیکرنێن وەرزێ دوویێ ئەنجام بدەن".

دازانین ژی، "بۆ ئەڤ سالەیا خواندنێ تنێ ١٠ نمرەیێن بڕیار دێ ب قوتابیێن قۆناغا ١٢ێ ئامادەیی هێنەدان، ئەو ١٠ نمرەیێن بڕیارێ بۆ تاقیکرنێن وەرزێ یەکێیە و پشتی ئەنجامدانا تاقیکرنێن وەرزێ دوویێ ژی ڤەدگریت".

پێشتر ژی وەزارەتا خواندنا بلند، بڕیارا دەرچوونێ بۆ تەڤاهیا وان خواندەکارێن زانینگەهـ و پەیمانگەهێن هەرێمێ دەرکر کو د وەرزێ یەکێ دا دەرچووبوون.

س.م