سەرنووچە:

ھەرێم.. دەربارێ قەدەغەیا ھاتن و چوونا تمام زەلالکرنەک ھاتە دان

فۆتۆ: 
2020-05-31

7854 جار خوێندراوەتەوە

پەیڤدارێ ساخلەمیا ھەرێمێ ڕاگەھاند، چ پێشنیار بۆ قەدەغەیا ھاتن و چوونا تمام ل ھەرێمێ نە ھاتیە کرن.

محەمەد قادر خۆشناو پەیڤدارێ وەزارەتا ساخلەمیێ ڕاگەھاند، " د چەند دەزگەھێن میدیایی دا داخۆیانیەک لسەر ناڤێ وەزیرێ ساخلەمیێ ھاتیە بەلاڤکرن کو قەدەغەیا ھاتن و چوونێ دێ ھێتە دڕێژکرن، وەلاتیان و دەزگەھێن ڕاگەھاندنێ پشتراست دکەی کو چ بڕیار و پێشنیارەکا ب وی ئاوایی نینە و چ داخۆیانیەکا ب ڤی شێوەی نەھاتیە دان".

ئاماژە کریە ژی، " د دەما پێدڤی و ھەر ڕەۆشەکا نوو دا ب ھەڤبەندیا لیژنەیا بلند یا رووبرووبوونا کۆرۆنایێ ب فەرمی دێ رێنمایێن پێدڤی و رێکارێن خۆپارێزیێ ڕاگەھینین".