سەرنووچە:

وەزیرێ کارەبێ: د نها دا ٢٠ دەمژمێرێن کارەبێ ب وەلاتیان ددەین

فۆتۆ: 
2020-05-29

754 جار خوێندراوەتەوە

وەزیرێ کارەبا هەرێمێ ڕاگەهاند، "تیمەکا کۆری گەهشتیە هەرێمێ بۆ خستنەکارا وێستگەها بەرهەمئینانا کارەبا ٣٠٠ مێگاواتی یا قەزا خەبات، د نها دا ٢٠ دەمژمێران کارەبێ ب وەلاتیان ددەین".

کەمال محەمەد وەزیرێ کارەبا هەرێمێ بۆ ڕووپەلا فەرمیا پارتی ڕاگەهاند، "ب بڕیارا سەرۆکێ حکومەتا هەرێمێ تیمەکا کۆری هاتیە هەرێمێ و بڕیارە د دەما دوو حەفتیان دا وێستگەها بەرهەمئینانا کارەبا قەزا خەبات بهێتە تەمامکرن و بکەڤیتە کار".

دیارکریە ژی، نها ڕەوشا کارەبێ یا جێگیرە و کارینە زێدەتری ٢٠ دەمژمێران کارەبێ ب وەلاتیان بدەن و د مەها داهاتی دا ژی بەرهەمئینانا کارەبێ ل بەنداڤا دوکان ژی دێ زێدەبیت و دکارن بڕێ ١٠٠ مێگاواتێن دی کارەبێ زێدە بکەن.

ڕۆژا ١٨ێ ڤێ مەهێ ئومێد ئەحمەد ڕێڤەرێ کۆنترۆلا کارەبا هەرێمێ بۆ ئێن ئاڕ تی ڕاگەهاند، "شیانێن بەرهەمئینانا کارەبێ ژ سێ هزار و ٢٠٠ مێگاواتان بۆ دوو هزار و ٥٠٠ مێگاواتان کێمبوویە، ژبەر ئاریشەیەکا تەکنیکی و ژبەر کارپێنەکرنا وێستگەها بەرهەمئینانا کارەبێ ل قەزا خەبات".

س.م