سەرنووچە:

دهۆک.. پڕانیا جهێن گەشتیاری هاتنە ڤەکرن

لهەمبەر وەلاتیان
فۆتۆ: 
2020-05-29

264 جار خوێندراوەتەوە

پشتی داخستنێ بۆ دەمەکا درێژ، پڕانیا جهێن گەشتیاریێن سنورێ پارێزگەها دهۆکێ لهەمبەر وەلاتیان هاتنە ڤەکرن.

نووچەگەهانێ ئێن ئاڕ تی ڕاگەهاند، بڕیارا ڤەکرنێ بۆ بەشەکا زێدەیا جهێن گەشتیاریێن سنورێ پارێزگەها دهۆکێ هاتیە دان کو نها هاتینە ڤەکرن، د چەند ڕۆژێن داهاتی دا دێ هەموو هێنە ڤەکرن کو هەژمارا وان ٨٢٠ جهن، لێ ئەڤ ڤەکرنە دێ لگۆری ڕێکار و ڕێنمایێن ساخلەمیێ بن.

دیارکر ژی، ڤەکرنا جهێن گەشتیاری بتنێ بۆ خەلکێ سنورێ پارێزگەها دهۆکێیە، ژبەر کو د نها دا قەدەغەیا د ناڤبەرا پارێزگەهێن هەرێم و عێراق، دیسان ژی یا دەرگەهێن سنوری دگەل ولاتان هەیە.

لگۆری پێشبینیێن ڕێڤەبەریا گەشتوگوزارا دهۆکێ، دهاتە چاڤەڕێکرن د ئەڤ سالە دا نێزیکی ٧٠٠ هزار گەشتیاران سەرەدانا جهێن گەشتیاریێن سنورێ پارێزگەها دهۆکێ بکەن، لێ ژبەر هاتنا ڤایرۆسێ کۆرۆنایێ و ڕاگەهاندنا قەدەغەیا هاتن و چوونێ و گرتنە بەرا ڕێکاران ژ ناڤەڕاستا مەها سێ یا ئەڤ سالەڤە تەڤاهیا جهان لهەمبەر هاتنا گەشتیاران هاتنە داخستن.

س.م