سەرنووچە:

بەلاڤبوونا وێنەیەکێ ژ ئالیێ خامەنەیی ڤە کارڤەدان دیف خۆدا ئینان

فۆتۆ: 
2020-05-25

568 جار خوێندراوەتەوە

عەلی خامەنەیی رێبەرێ بلندێ ئیرانێ، د وێبسایتێ خۆیێ تایبەت دا گرافیکەک بەلاڤکریە کو تێدا، وێنەیێ وان سەرکردێن شیعە تێدایە کو وەک هەڤپەیمانێن ولاتێ وی دهێنە هەژمارتن، لێ وێنەیێن سەرکردەیێن شیعە یێن عێراقێ تێدا نینە.

د وێنەی دا، حەسەن نەسرولا سەروکێ حزبولا یا لوبنانی، ئیسماعیل هەنیە سەروکێ  حەماسا فەلەستینێ و چەند سەرکردێن دی یێن شیعە ل ولاتان د رێزا پێشیێ دا نە.

هەڤدەم، ئیسماعیل قائانی بەرپرسێ نوو یێ سوپایێ قودس یا ئیرانی و بەشار ئەسەدێ سەروکێ سوریا د رێزا دووێ و سیێ دانە.

دگەل وێ یەکێ ژی، وێنەیێ قاسم سولەیمانی کو ل مەها یەک یال ئەڤ سالە ژ ئالیێ ئەمریکاڤە هاتیە کوشتن، ب ئاوایێ عەڤری ل هنداڤی مزگەفتا قودسێ دانایە.

د توورێن جڤاکی دا خەلکی ئاماژە ب وێ یەکێ دایە، وێنەیێ سەرکردەیێن شیعەیێن عێراقێ تێدا نینە، ب تایبەتی ئەبو مەهدی موهەندس کو دگەل قاسم سولەیمانی دا هاییە کوشتن.