سەرنووچە:

هاتن و چوونا هەرێمێ: ژ ئەڤرۆ پێدا دێ ڕێ ب هاتن و چوونا بەشەکا کاسبکاران هێتەدان

فۆتۆ: 
2020-05-25

981 جار خوێندراوەتەوە

پەیڤدارێ هاتن و چوونا هەرێمێ ڕاگەهاند، ژ ئەڤرۆ پێدا دێ ئاسانکاری بۆ بەشەکا کاسبکاران هێتەکرن هەیا کو ب ڕێیا ترۆمبێلان هاتن و چوونێ بکەن.

ئەسعەد مەلا کەریم پەیڤدارێ هاتن و چوونا هەرێمێ بۆ ئێن ئاڕ تی ڕاگەهاند، ژ ئەڤرۆ دووەم رۆژا جەژنێ ڤە، دێ ئاسانکاری بۆ بەشەکا کاسبکاران هێتەکرن هەیا کو ب ڕێیا ترۆمبێلێن خۆ هاتن و چوونێ بکەن.

گوت ژی، جوتکار و کارمەندێن نانپێژیێ و سەمونخانان د دەما هاتن و چوونێ دا ب مەرما چوون بۆ سەرکارێن خۆ دێ رێ پێ هێتە دان.

بەحسا وێ یەکێ کر ژی، ئەڤ رێکارە دێ هەیا داوییا شەڤا جەژنا ڕەمەزانێ کار لسەر هێتە کرن.

دەربارێ ئامارا بنپێکاریێن شۆفێران ل رۆژێن جەژن گوت، " هەیا نها چ ئامارەکا فەرمی لجەم وان نینە و پشتی جەژنێ دێ هێنە ڕاگەهاندن".

ئاماژە کر ژی، ژبلی وان کەسێن ڕێ ژێرە هاتیە دان، هەر کەسەک دی بزاڤا شکاندنا قەدەغەیا هاتن و چوونێ بکەت، دێ لێپرسین گەل هێتەکرن و هێتە سزادان