سەرنووچە:

ساخلەمیا دهۆکێ: د دوو ڕۆژێن دەربازبوویی دا زێدەتری هزار پشکنینێن کۆرۆنایێ هاتنە کرن

فۆتۆ: 
2020-05-25

1545 جار خوێندراوەتەوە

ساخلەمیا دهۆکێ ڕاگەهاند، د دوو ڕۆژێن دەربازبوویی دا ل سنورێ پارێزگەها دهۆکێ زێدەتری هزار و ١٠٠ پشکنینێن ڤایرۆسێ کۆرۆنایێ هاتنە کرن، هەژمارا کەسێن د کەرەنتینەیێ دا بۆ ٦٣٣ کەسان بلندبوویە.

حەمزە ڕەزیکی پەیڤدارێ ساخلەمیا دهۆکێ دەربارەی ڕەوشا کۆرۆنایێ ل سنورێ پارێزگەها دهۆکی بۆ ئێن ئاڕ تی ڕاگەهاند، هەشت حالەتێن توشبوون ب کۆرۆنایێ هاتنە تۆمارکرن، کو یەک ژ وان خەلکێ هەولێرێیە و هاتیە ڤەگوهاستن و ل وێرێ چارەسەریێ وەردگریت، هەموو توشبوو ژی د رەوشەکا ساخلەمییا باش دانە.

گوت ژی، ڤان توشبوویێن دهۆکێ هاتن و چوون د ناڤ خەلکی دا کریە و هەر ژبەر وێ یەکێ تیمێن ساخلەمیێ د دیڤداچوونا بەردەواما بەرکەفتیێن وان دانە و بتنێ دوهی ٢٥٣ کەس هاتنینە کەرەنتینەکرن و هەژمارا جهێن کەرەنتینەیێ ژی بۆ ٢٠ جهان هاتینە زێدەکرن.

دیارکر ژی، د نها دا هەژمارا گشتیا کەسێن د کەرەنتینەیێ دا ٦٣٣ کەسن، بتنێ د دوو ڕۆژێن دەربازبوویی دا ل سنورێ پارێزگەها دهۆکێ زێدەتری هزار و ١٠٠ پشکنینێن ڤایرۆسێ کۆرۆنایێ هاتنە کرن.

دەربارەی بەردەوامیا مەترسیا کۆرۆنایێ، پەیڤدارێ ساخلەمیا دهۆکێ ڕاگەهاند، مەترسیا کۆرۆنایێ بەردەوامە و دگەل تۆمارکرنا ڤان حالەتان مەترسی زێدەتربوویە پێدڤیە خۆپاراستن بەردەوامیت.

س.م