سەرنووچە:

عێراقێ دەربارێ دەستپێکرنا گەشتێن ئەسمانی زەلالکرن دا

فۆتۆ: 
2020-05-25

433 جار خوێندراوەتەوە

دەستھەلاتدارێن بالەفرڤانیا شارستانی یا عێراقێ دەستپێکرنا گەشتێن ئەسمانی د مەھا ھەزیرانا داھاتی دا رەتکریە، راگەھاند ژی، پشتی داویا ڤێ مەھێ ، دگەل شانەیا کریزان و لیژنەیا بلند یا ساخلەمیێو سەلامەتی ، دێ گۆتوبێژ دەربارێ وێ یەکێ ھێتە کرن.

جیھاد کازم، پەیڤدارێ دەستھەلاتا بالەفرڤانیێ ب میدیایێن عێراقێ ڕاگەھاند، ئەو گۆتنێن دەربارەی دەستپێکرنا گەشتا ئەسمانی ل ھەزیرانا داھاتی دھێنە کرن ، ژ راستیێ دوورن.

گۆت ژی، دەستھەلاتدارێن بالەفرڤانیا شارستانی ھەتا داویا ڤێ  مەھێ بریارا ڕاگرتنا گەشتێن ئەسمانی دایە، پشترا پشتی داویا ڤێ مەھێ دگەل شانەیا کریزان و لیژنەیا بلند یا ساخلەمیێ و سەلامەتیێ ، ب بریارەکا درست ، دێ گۆتوبێژ لسەر ھێتە کرن.

ئاماژەکریە ژی، د نھا دا ژبلی گەشتێن ھەوارھاتن و گەشتێن تایبەت ب ساخلەمی و گەشتێن بالەفرێن باڕھەلگر ئەو بالەفررێن د ئەسمانێ عێراقێ دا دفرن ، تەڤاھیا گەشتێن دی یێن ئاسایی ھاتنە ڕاگرتن.