سەرنووچە:

ژوورا ئۆپەراسیۆنێن قائیمقامیا ئاکرێ بڕیارەک دا

فۆتۆ: 
2020-05-25

1779 جار خوێندراوەتەوە

ژوورا ئۆپەراسیۆنێن ئاکرێ ڕاگەهاند، ژبەر هەبوونا شەش حالەتێن توشبوون ب کۆرۆنایێ وان بڕیار دا، د دوو ڕۆژێن ماییێن جەژنێ دا قەدەغەیا هاتن و چوونا تەمام بەردەوام بیت.

ژوورا ئۆپەراسیۆنێن قائیمقامیا قەزا ئاکرێ دەربارەی دوو ڕۆژێن مایێن جەژنێ ڕاگەهاند، "ئاماژە ب هەر دوو بەیاننامەیێن ژمارە (۳٥ و ۳٦) یێن وەزارەتا ناڤخۆیا حکومەتا هەرێما کوردستانێ و پشتی کو شەش وەڵاتیێن ئاکنجیێن ئاکرێ توشی ڤایرۆسێ کۆرۆنایێ بووین، ژ پێخەمەت بەرژەوەندیا گشتی و پاراستنا گیانێ وەڵاتیان، بڕیار هاتەدان، کو هەر دوو رۆژێن جەژنێ یێن مایی (۲٥-۲٦ ێ ٥ێ ۲۰۲۰ێ) قەدەغەیا هاتن و چوونا تەمام بەردەوام بیت، ب تەنێ دێ (نانپێژی، سەمونخانە و دەرمانخانە) ڤەکری بن".

هەروەسا داخواز ژی ژ وەلاتیان کریە، پێگیر و پابەندی ڕێنمایێن ساخلەمیێ بن و د مالێن خۆ دا ب مینن.

ئەڤە ژی دەمەکێ دایە، د دوو ڕۆژێن دەربازبوویی دا ل سنورێ قەزا ئاکرێ شەش وەلاتی توشی ڤایرۆسێ کۆرۆنایا نوو بوونە، ئالیێن پەیوەندیدارێن وێ قەزایێ ژی بۆ ڕێگرتن ژ زێدەتر بەلاڤبوونا وی ڤایرۆسی ڕێکار توندکرینە.

س.م