سەرنووچە:

ئەوقافا دهۆکێ: وان گوتگوتکان ڕەتدکەین کو بەحسا سزادانا مامۆستایێن ئاینی دکەن

فۆتۆ: 
2020-05-24

1221 جار خوێندراوەتەوە

ئەوقافا دهۆکێ ڕاگەهاند، وان گوتگوتکێن بێ بنەما ڕەتدکەن کو بەحسا سزادانا مامۆستایێن ئاینی دکەن. دبێژیت ژی، گوتاربێژ پێگیر بوونە.

ڕێڤەبەریا گشتییا ئەوقافا دهۆکێ د زەلالکرنەکێ دا دیارکر، "سوپاسیەکا بێ سنور ئاراستەی هەمی زانایێن ئاینی و پێشنڤێژ و گوتاربێژێن سنورێ پارێزگەها دهۆکێ دکەین بۆ پێگیریا وان ب رێنمایان و سەبر و تەحەملا وان، هەروەسا وان گوتگوتکێن بێ بنەما یێن دەربارەی سزادانا هندەک مامۆستایێن ئاینی رەتدکەین، ئەم تەکەز دکەین کو هەمی پێشنڤێژ و گوتاربێژان پێگیری کریە".

دایەزانین ژی، بتنێ د هندەک حالەتان و دبن گڤاشتن و کۆمبوونا نڤێژکەران دا ل هندەک جهان دەرگەهێن مزگەفتان هاتبوون ڤەکرن.

بەحسا وێ یەکێ ژی کر، "ئەم د بیروباوەڕ و دلسوزی و ئیمانداریا خەلکی دگەهین، داخازێ ژ خەلکێ خۆ یێ خۆشتڤی دکەین کو هەڤکاربن دگەل مامۆستایێن مە یێن ئاینی و کارمەندێن مزگەفتان ل دور رێنمایێن حکومەتا هەرێما کوردستانێ، مامۆستایێن ئاینی هەردەم جهێ رێزێنە و دێ د بەردەوام بن بۆ خزمەتا ئاین و گەل و نشتمانی".

س.م