سەرنووچە:

سیستانی دەربارێ دیارکرنا یەکەم رۆژا جەژنێ زەلالکرن دا

فۆتۆ: 
2020-05-23

362 جار خوێندراوەتەوە

عەلی سیستانی مەرجەعێ بلند یێ شیعەیان ل عێراقێ ڕاگەھاند، سۆبەھی یەکشەمبیێ تمامکەرا مەھا ڕەمەزانێ یە و دۆزبە یەکەم رۆژا جەژنێیە.

نڤیسینگەھا ڕاگەھاندنا عەلی سیستانی مەرجعێ بلند یێ شیعەیێن عێراقێ ، ڕاگەھاندنەک بەلاڤکر و تێدا ھاتیە، " وەسا دھات پێشبینیکرن ئەڤرۆ شەمبیێپشتی رۆژئاڤابوونێ ھەیڤ بھێتە دیتن ، لێ چ بەلگە نین کو ل عێراق و ولاتێن دەردوورێ ھەیڤ ھاتبیت دیتن".

ئاماژە ھاتیە کرن ژی، زێدەباری کو پێشبینی دھاتە کرن ئەڤڕۆ ب زەلالی ھەیڤ بھێتە دیتن ، لێ ئاماژە ب وی ئاوایی نەبوون".

ھاتیە ژی، ژ بۆ کو بریارێ بدەین دێ جەژن بیت یان ژی نە، دڤێت  ل وێ دەڤەرێ یان دەردوورا وێ ھەیڤ بێ دیتن ، و ژبەر نەدیتنا ھەیڤێ مە بریاردا سوبەھی تمامکەرا مەھا رەمەزانێ بیت و رۆژا دووشەمبیێ یەکەم رۆژا جەژنێ بیت".