سەرنووچە:

دھۆک.. حالەتەکێ نوو یێ توشبوون ب کۆرۆنایێ ھاتە تۆمارکرن

فۆتۆ: 
2020-05-23

1574 جار خوێندراوەتەوە

ساخلەمیا ھەرێمێ ڕاگەھاند ، حالەتەکێ دی یێ توشبوون ب کۆرۆنایێ ھاتە تۆمارکرن کو خەلکێ باژارێ دھۆکێ یە.

وەزارەتا ساخلەمیا ھەرێمێ راگەھاند،  د بەردەوامیا پشکنین و گەریانا لدیڤ گۆمانلێکریان دا ، توشبوویەکێ دی یێ ڤایرۆسێ کۆرۆنایێ ل پارێزگەھا دھۆکێ ھاتە دەستنیشانکرن.

دایە زانین ژی، توشبووی زەلامەک ۳٨ سالیێ ئاکنجیێ باژارێ دھۆکێ یە.

ئاشکرا کریە ژی، کو پیشەیا وی زێرەڤانیە لسەر میلاکێ حکومەتا عێراق یا فیدرال پشتی تمامبوونا دەوامێ ل باژارێ بەغدا و ڤەگەریانێ و وەرگرتنا نمونا پشکنینا تاقیگەھێ ئەنجام پۆزەتیف بوویە.

لگۆری داویی ئاماران، ھەیا نھا ٤٦٧ کەس د ھەرێمێ دا توشی ڤایرۆسێ کۆرۆنایێ بوونە و ژ وێ ھەژمارێ ژی ٣٨٦ کەس چێبووینەڤە.