سەرنووچە:

فراکسیۆنا یەکگرتوو: ھەیا نھا زەلال نینە حکومەتا ھەرێمێ چەند قەردارە

فۆتۆ: 
2020-05-23

192 جار خوێندراوەتەوە

فراکسیۆنا یەکگرتوو د پەلەمانێ کوردستانێ دا ڕاگەھاند، ھەیا نھا جەم پەرلەمانێ کوردستان و وەلاتیان زەلال نینە حکومەتا ھەرێمێ چەند قەردارە و داخۆازێ ژی دکەن، "  حکومەتا ھەرێمێ پەردەی لسەر قەر و ئالیێ لێ ھاتیە وەرگرتن و دەما قەران و چاوانیا خەرجکرنێ راکەت".

فراکسیۆنا یەکگرتوو د پەرلەمانێ کوردستانێ دا د ڕاگەھاندنەکێ دا کو ئاراستەی سەرۆکا پەرلەمانی کریە تێدا ھاتیە، " چەند سالن داخۆازا ئاشکراکرنا ھوورکاریێن قەرێن ھەرێما کوردستانێ دکەین کو ژ ئالیێ حکومەتا ھەرێما کوردستان و دیوانا چاڤدێریا دارایی یا ھەرێمێ ھاتبیتە پشتراستکرن ، لێ دلگرانیڤە نە ل جەم پەرلەمان و نە ژی وەلاتیان زەلال نینە.

ئاماژە کریە ژی، ب تایبەت د دەمەکێ دا سەرۆکێ حکومەتا ھەرێمێ د گۆتار رۆژا ۲۲ێ گۆلانێ دا ئاشکراکر ، کو ھەرێما کوردستانێ ۲۷ ملیار دۆلاران قەردارە ، دەمەکێ دا ڕاپۆرتێن وەزارەتا سامانێن سرۆشتی یێن ھەرێمێ و کۆمپانیا ھووربینیا دیلۆد دەستکەفتنا دەھان ملیار دۆلاران ژ فرۆتنا نەفتا ھەرێمێ دیار دکە.

بەحسا وێ یەکێ ژی کریە، حکومەتا فیدرال یا عێراقێ راگەھاندیە کو دەھان ملیار دۆلار  بۆ ھەرێمێ شاندنە ، د سالێن دەربازبوویی دا ئەڤە ژبلی داھاتێن جوور ب جوور یێن دیێن ھەرێمێ.

ھاتیە ژی، ژبەر وێ یەکێ ب پێدڤی دزانین حکومەتا ھەرێما کورستانێ پەردەی لسەر قەران و ئالیێن لێ ھاتیە وەرگرتن و دەما قەران و چاوانیا خەرجکرنێ راکەت".