سەرنووچە:

دهۆک.. ئەو مامۆستا و چالاکڤانێن ئەڤرۆ هاتینە دەستەسەرکرن، هاتنە ئازادکرن

فۆتۆ: 
2020-05-23

329 جار خوێندراوەتەوە

ئەو مامۆستا و چالاکڤانێن کو ئەڤرۆ دخواستن ژ بۆ ئازادکرنا بەدەل بەرواری خرڤەبوونەکێ بکەن و هاتینە دەستەسەرکرن، بەریا دەمەکێ هاتنە ئازادکرن.

نووچەگەهانێ ئێن ئاڕ تى ل دهۆکێ راگەهاند، پشتی نێزیکی دوو دەمژمێران ژ دەستەسەرکرنێ هەموو ئەو مامۆستا و چالاکڤانێن  کو ئەڤرۆ دخواستن ژ بۆ ئازادکرنا بەدەل بەرواری ل پێشیا دادگەها دهۆکێ خرڤەبوونەکێ بکەن، هاتنە ئازادکرن و نها بۆ مالێن خۆ ڤەگەڕیانە.

پشتی نیڤرۆیا ئەڤرۆ ھەژمارەک مامۆستا و چالاکڤانان دخواستن ژ بۆ ئازادکرنا بەدەل بەرواری کو دەما حەفتیەکێیە هاتیە دەستەسەرکرن خرڤەبوونەکێ ل پێشیا دادگەھا دھۆکێ ئەنجام بدەن، لێ ھێزێن ئەولەھیێ ڕێگریکرن و ھەژمارەک ژ وان دەستەسەرکرن، ڕێگری ژ تیما ئێن ئاڕ تی ژی کرن بچنە نێزیک دادگەها دهۆکێ.

ئەڤە ژى د دەمەکێ دایە، ڕۆژا ١٦ێ ڤێ مەهێ هەژمارەکا ماموستا و فەرمانبەرێن سنورێ پارێزگەها دهۆکێ ژبەر گیرۆبوونا مووچەیێ وان دخواستن خونیشاندانەکێ ل بەردەرێ پارکا ئازادی ل دهۆکێ بکەن لێ رێگری لێهاتە کرن و زێدەتری ١٠٠ کەسان هاتنە دەستەسەرکرن، هەیا نها ژى بەدەل بەرواری نەهاتیە ئازادکرن.

بێوار حلمى-دهۆک

س.م