سەرنووچە:

ھەرێم.. لیستا ناڤێن وان جھێن د دووەم رۆژا جەژنێ دا دێ ھێنە ڤەکرن

فۆتۆ: 
2020-05-23

3449 جار خوێندراوەتەوە

وەزیرێ نافخۆ یێ ھەرێمێ ڕاگەھاند، د دووەم رۆژا جەژنێ دا ھەر یەک ژ فرنێن نان ، نانپێژی، دەرمانخانە، ئامرازێن ڤەگۆھاستنا فێقی وکەسکاتی و ڤەگۆھاستنا غازێ دکارن دەست بکاربن.
رێبەر ئەحمەد وەزیرێ نافخۆ د کۆنفرانسەکێ ڕۆژنامەڤانیێ دا ڕاگەھاند، بۆ ئاسانکاریا کارێ وەلاتیان د رۆژا دووێ یا جەژنێ دێ رێ ھێتە دان ب ھندەک خزمەتگۆزاریێن پێدڤیێن وەلاتیان دەست بکار بکەنەڤە، کو ئەو ژی پێکدھێن ژ ، بەرچاڤگرتنا وەرزێ گشتوکالی و درینێ ، کو ھند کەس دچن بۆ درینکرنێ ب تایبەت ل دەڤەرێن دەرڤەی ئیدارەیا ھەرێمێ، دگەل ئاسانکاری کرن بۆ کارێ عەلوایان و ڤەگۆھاستنا کەسکاتی و فێقی.

ئاماژە ب وێ یەکێ ژی کریە، د دووەم و سێیەم رۆژا جەژنێ دا ھەر یەک ژ فرنێن نان و نانپێژی و ئامرازێن ڤەگۆھاستنا غاز ، و فێقی و کەسکاتی بۆ مالان ، دەرمانخانە و نەخۆشخانە دکارن دەست ب کاری بکەن.

ئەو یەک ژی دایە دیارکرن، چ بریار نین کو پشتی جەژنێ قەدەغە بھێتە دڕێژکرن و دێ ژیان ئاسایی بیت وەک بەریا جەژنێ ، دەربارێ سەدەما ڕاگەھاندنا قەدەغەیا ھاتن و چوونێ د جەژنێ دا بەحس کر ، مە خواست د وان سێ رۆژێن جەژنێ دا بەریەک کەفتن کێمبیت د ناڤا وەلاتیان دا، ژبەر کو پشتراسبووین دێ وەلاتی زێدە سەردانا ھەڤدوو کەن.

د ۱٨ێ ڤێ مەھێ دا ، وەزارەتا نافخۆ یا ھەرێمێ ڕاگەھاندبوو، بۆ سێ رۆژێن جەژنا ڕەمەزانێ قەدەغەیا ھاتن و چوونێ دێ تمام بیت ل ھەرێمێ و دێ ھاتن و چوونا ناڤبەرا پارێزگەھان ھێتە ڕاگرتن.