سەرنووچە:

وەزیرێ دارایێ عێراقێ: مووچەیێ سەردایی ٥٠٠ هزاران دێ هێتە کێمکرن

فۆتۆ: 
2020-05-23

2950 جار خوێندراوەتەوە

وەزیرێ داراییا عێراقێ ڕاگەهاند، ئەو کەسێن مووچەیێن وان سەردای ٥٠٠ هزار دینارانە ب ڕێژەیەکێ دێ مووچە کێمکرن ڤەگریت. دبێژیت ژی، "ڕێژەیا مووچەیێ فەرمانبەرێن عێراقێ بارگرانی بۆ سەر بودجەیێ ولاتی دروستکریە و پێدڤی ب کێمکرنێیە".

عەلی عەلاوی وەزیرێ داراییا عێراقێ د هەڤدیتنەکێ دا دگەل میدیایا فەرمیا ولاتێ خۆ ڕاگەهاند، ئەو فەرمانبەرێن مووچەیێن وان ٥٠٠ هزارن یان کێمترن دگەل خانەنشینان، کێمکرنا مووچەی ڤەناگریت.

دیارکریە ژی، د ڤێ ڕەوشا نهایا ئابوریێ دا زۆریا ڕێژەیا مووچەیێ فەرمانبەرێن عێراقێ ب تایبەت پلە بلندان، گڤاشتنەکا زێدە لسەر بودجەیێ عێراقێ دانایە، هەر ژبەر وێ یەکێ پێدڤی ب کێمکرنێ هەیە.

ئەو یەک ژی دایەزانین، کێمکرنا مووچەی وان کەسان ڤەدگریت کو مووچەیێن وان سەردایی ٥٠٠ هزارانە و لگۆری بلندیا مووچەیێن وان، دێ ڕێژەیەک لێ هێتە کێمکرن.

پێشتر ژی، لیژنەیا پێداچوونا بودجەیێ عێراقێ پێشنیارا کێمکرنا دەرمالا فەرمانبەران بۆ سەرۆک وەزیرێن بەرێ کربوو ب ئاوایەکێ بۆ فەرمانبەرێن ئاسایی ٥٠% و بۆ پلە بلندان ژی ٧٥% یا دەرمالەیێن وان بهێنە کێمکرن.

س.م