سەرنووچە:

ب ڤان کریاران ئازارا پشتا خۆ نەهێلە

فۆتۆ: 
2020-05-23

554 جار خوێندراوەتەوە

هەبوونا ئازارا پشتێ یەکە ژ ئاریشەیێن ساخلەمیێ کو گەلەک جاران ژبەر زێدە ڕۆنشتن و گرنگی نەدان ب وەرزشکرنێ دروست دبیت، ئەڤ کریارە ئازارا پشتێ د دەمەکێ کێم دا ناهێلن.

ڕۆژنامەیا میرەر یا بەریتانی د بابەتەکێ ساخلەمیێ دا بەحسا چەند ڕێکارێن ساناهی کریە کو هەڤکارن بۆ نەمانا ئازارا پشتێ د دەمەکێ کێم دا.

١. کێمکرنا کەرستەیێن ناڤ جانتایا ملی یان دەستی

Related image

لگۆڕی ڤەکۆلینەکێ د جانتایا دەستی دا نێزیکی ١٧ پێدڤیێن ڕۆژانە تێدانە کو دکەتە سێ کیلۆگرام، دگەل پێکهاتا جاناتیێ ژی کیلۆیەکا دی بۆ زێدە دبیت، کو سەدەمە بۆ دروستبوونا ئازارا پشتێ، ب گوتنا زانایان نابیت جانتا ملی و دەستی ژ دوو کیلۆیان زێدەتر بیت، دگەل ڤێ یەکێ ژی دا پێدڤیە هەر چەند خولەکان جارەکێ جانتا بدەستەکێ بهێتە هەلگرتن.

٢. کرنا لڤینێن وەرزشی

Image result for ‫الم الظهر في النوم‬‎

گرنگە دەستپێکرنا ڕۆژێ ب لڤینێن وەرزشێ بیت، ژبەرکو د شەڤێ دا ماسولکەیێن لەشی خاڤدبن، بۆ ڤێ یەکێ ژی ئەڤ کریارە گرنگن، پالدانا سەر پشتێ و بلندکرن و نێزیککرنا پیان ژ سینگی، یان ژی ب هەردوو دەستان چووکێت خۆ بگرە و نێزیکی سینگێ خۆ بکە د دەما ١٠ چرکەیان دا.

٣. ڕاوەستیان د کوژیەکێ ژوورێ دا

Related image

گەلەک سەحکرنا شاشەیێ تەلەفزیۆن و مۆبایلێ ئازار و گرژبوونا ماسولکەیێن مل و ستۆی دروست دکەت و دیڤدا زەرەرێ ب بڕبڕە (فەقەرات) پشتێ دگەهینیت، بۆ نەمانا وێ ئاریشەیێ گرنگە د کۆژیەکێ ژوورێ دا ڕاوەستی و هەردوو دەستا بۆ سەری بلند بکەی و دگەل دا سینگ و زک بلند ببن، ئەڤ لڤینە ژی پێدڤی ب شەش چرکەیان هەیە.

٤. کێمکرنا ڕۆنشتنێ

Related image

گەلەک ڕۆنشتن زەرەرێ ب پشتێ دگەهینت، کەسێن کو د ناڤ تڕۆمبێلێ دا یان ل جهێ کارێن وان نێزیکی ١٠ دەمژمێر دادنیشن مەترسی لسەر بڕبڕەیا پشتێ دروست دکەن، باشترە هەر ٢٠ بۆ ٣٠ خولەکان جارەکێ لسەر پیان ڕاوەستن و پیێن خۆ بلڤینن.

٥. سەرێ خۆ بۆ لایێ ڕاست و چەپ بلڤینە

Related image

ڤێ لڤینێ پێدڤی ب نێزیکی ٦٠ چرکەیان هەیە کو مفا بۆ بڕبڕەیا پشتێ هەیە د دەما ڕۆنشتنێ چ ل مال یان ل جهێ کاری.

س.م