سەرنووچە:

ساخلەمیا ئاکرێ دەربارەی وی وەلاتیێ توشی کۆرۆنایێ بووی زەلالکرن دا

فۆتۆ: 
2020-05-22

703 جار خوێندراوەتەوە

ساخلەمیا ئاکرێ ڕاگەهاند، ئەو وەلاتیێ کو ئەڤرۆ توشبوونا وی ب کۆرۆنایێ هاتیە ڕاگەهاندن، خەلکێ ناڤ باژاڕێ ئاکرێ بخۆیە و بەریا دوو ڕۆژان ل بەغدا ڤەگەڕیایە.

سالح مستەفا ڕێڤەبەرێ ساخلەمیا ئاکرێ ڕاگەهاند، "ئەو کەسێ ل ئاکرێ توشی کۆرۆنایێ بووی، دەواما وی ل پەرلەمانێ عێراقێیە و بەریا دوو ڕۆژان ڤەگەڕیایە و پشکنین بۆ هاتیە کرن و چوویە د ناڤ کەسوکارێن خۆ دا".

دیارکر ژی، ئەو وەلاتیە بۆ نەخۆشخانەیا تایبەت ب کۆرۆنایێ ل دهۆکێ هاتیە شاندن و کەسوکارێن وی ژی هەموو بۆ کەرەنتینەیێ هاتنە ڤەگوهاستن.

ئەڤە ژی دەمەکێ دایە، ئەڤرۆ ساخلەمیا هەرێمێ دەستنیشانکرنا دوو حالەتێن توشبوون ب کۆرۆنایێ ل دهۆکێ ڕاگەهاند و دازانین، یەک ژ وان ئاکنجیێ ئاکرێ و یێ دی ژی یێ هەولێرێیە، هەردوو ل باژاڕێ بەغدا ڤەگەڕیانە.

شکیران زێباری-ئاکرێ

س.م