سەرنووچە:

عێراق.. ٧٧ حالەتێن نوو یێن توشبوون ب کۆرۆنایێ هاتنە تومارکرن

فۆتۆ: 
2020-05-22

157 جار خوێندراوەتەوە

وەزارەتا ساخلەمیا عێراقێ راگەهاند، د ٢٤ دەمژمێرێن دەربازبووى دا ٧٧ حالەتێن نوویێن توشبوون ب ڤایرۆسێ کۆرۆنایێ هاتنە تومارکرن، حەفت کەسان ژیانا خۆ ژدەست داینە و ٤٩ ژى چێبووینەڤە.

ئەڤرۆ پێنجشەمبیێ، وەزارەتا ساخلەمی و ژینگەها عێراقێ راگەهاند، "د ٢٤ دەمژمیرێن دەربازبووی دا ٧٧ حالەتێن نوویێن توشبوون ب کۆرۆنایێ هاتنە تۆمارکرن، ب ئاوایەکێ ٤٨ ل بەغدا، ٢ ل بەسرە، یەک ل نەجەف، سێ ل کەربەلا، شەش ل مەسەنا، یەک ل نەینەوا، چار ل دیالا و ١٢ ل زیقار بووینە".

دازانین ژى، "حەفت کەسان ب ڤایرۆسێ کۆرۆنایێ ژیانا خۆ ژدەست داینە ".

بەحسا وێ یەکێ ژی کریە، " ٤٩ کەسێن دی ژ نەخۆشیێ چێبووینەڤە، کو ٢٧ ل بەغدا، ٩ ل بەسڕا،  و سێ ژی ل زیقار بوونە".

لدیف داوی ئاماران، هەیا نها سێ هزار و ٩٦٤ کەس ل عێراقێ توشی ڤایرۆسێ کۆرۆنایێ بووینە و ژ وێ هەژمارێ ژى ١٤٧ کەسان ژیانا خۆ ژدەست داینە و دوو هزار و ٥٣٢ کەس ژى چێبووینەڤە.