سەرنووچە:

پارێزگارێ هەولێر: ئەم یێن د ڕەوشەکا باشدا

فۆتۆ: 
2020-04-10

288 جار خوێندراوەتەوە

فرسەت سۆفی ڕاگەھاند،  شەش ڕۆژێن داهاتی دێ یەکئالی بن و دبێژیتن ژی، د ڕەرشەکا باشداینە و  ڕەوش دبن کۆنترۆلێ دایە.

ئەڤرۆ ئەینیێ ١٠ی نیسانا ٢٠٢٠ێ، فرسەت سۆفی پارێزگارێ هەولێرێ د کۆنفڕانسەکا ڕۆژنامەڤانی دا ڕاگەهاند، " هەیا نها ل هەرێمێ ١٦ هزار پشکنین هاتە کرن و کو ١١ هزار لە هەولێرێ بوونە ب ئاوایەکێ کو ٧٠٪‏ی پشکنینێن کۆرۆنایێ یێن هەرێمێ  ل پارێزگەها هەولێرێ بوونە.

بەحسا وێیەکێ ژی کر، هەر کەسەک ل دەرڤە هاتبیتە هەولێرێ پشنین بۆ هاتیە کرن و دبێژیتن ژی، ئەوێن بەرۆڤاژی یاسا بینپێکرینە پشتی  چێبوونەڤێ دێ هێنە دادگەهی کرن.

ئاماژە ب وێیەکێ ژی کر، ل هەولێرێ پشکنین زێدەتر بۆ کەسێن گومانلێکریێن هەلگرێ کۆرۆنایێ دهێتە کرن وەک ل ئەمریکا، کو ژ هزار کەسان پشکنین بۆ سێ کەسان دهێتەکرن، لێ ل هەرێما کوردستانێ ژ هزار کەسان بۆ چار کەسان هاتیە کرن.

ئەڤەژی د دەمەکی دایە، ئەڤرۆ وەزارەتا ناڤخۆیا هەرێمێ کوردستانێ ڕاگەهاند، قەدەغەیا هاتنوچوونێ هەیا ١٦ێ نیسانێ درێژکرەڤە و دیارکر ژی، هاتنوچوونا ترۆمبێلان و پیادە قەدەغەیە و هەر کەسەک بنپێکاریان بکەت دێ هێتە سزادان.