سەرنووچە:

هەرێم.. ئەڤرۆ دێ بڕیار لسەر درێژکرنا دەما قەدەغەیا هاتن و چوونێ هێتە دان

قەدەغەیا هاتن و چوونێ ل هەرێمێ
فۆتۆ: 
2020-04-10

282 جار خوێندراوەتەوە

ئەڤرۆ وەزارەتا ناڤخۆیا حکومەتا هەرێما کوردستانێ لسەر درێژکرنا دەما قەدەغەیا هاتن و چوونێ دەت و وەزارەتا ساخلەمیێ ژی دبێژیت، وان داخوازکریە هەیا ١٥ێ ڤێ مەهێ بهێتە درێژکرن.

ئەڤرۆ ئەینیێ ١٠ێ نیسانا ٢٠٢٠ێ، دێ دەما دەستنشانکریا قەدەغەیا هاتن و چوونێ ل هەرێمێ بداوی هێت و فرسەت سۆفی پارێزگارێ هەولێرێ ژی بۆ ئێن ئاڕ تی ڕاگەهاند، وەزیرێ ناڤخۆیێ هەرێمێ دگەل وەزارەتا ساخلەمیێ و پارێزگاران و ئیدارەیێن سەربەخۆ دیراسەیا پلانەکا نوو دکەت بۆ درێژکرنا قەدەغەیا هاتن و چوونێ و ئەڤرۆ ژی دێ هوورکاری و دەما درێژکرنێ هێتە ئاشکراکرن.

دبێژیت ژی، دەما قەدەغەیا هاتن و چوونێ دێ هێتە درێژکرن، لێ جارێ دەما درێژکرنێ نەهاتیە دیارکرن.

هەڤدەم، محەمەد قادر پەیڤدارێ وەزارەتا ساخلەمیێ بۆ ئێن ئاڕ تی ڕاگەهاند، وان وەک وەزارەتا ساخلەمیێ داخواز ژ وەزارەتا ناڤخۆ کریە هەیا ڕۆژا ١٥ ڤێ مەهێ دەما قەدەغەیا هاتن و چوونێ بهێتە درێژکرن.

زەلالکر ژی، وەزارەتا ناڤخۆ دێ بڕیارێ دەت و هەیا نها دیار نینە ئەو پێشنیار دێ هێتە قەبوولکرن یان نە.

ئەڤە ژی دەمەکێ دایە، ڕۆژا ٣١ێ مەها ئادارا ٢٠٢٠ێ، بۆ جارا چارێ قەدەغەیا هاتن و چوونێ هەیا کو ١٠ێ ڤێ مەهێ هاتە درێژکرن و بڕیارە ئەڤرۆ یان سوبەهی وەزارەتا ناڤخۆ بڕیارێن نوو دەربارەی درێژکرنێ ئاشکرا بکەت.

س.م