سەرنووچە:

ل باتمانێ ئاگر ب گرتیگەهەکێ کەت

فۆتۆ: 
2020-04-04

264 جار خوێندراوەتەوە

ل باژارێ باتمانێ یێ باکورێ کوردستانێ ئاگر ب گرتیگەهەکێ کەفت، هەیا نها ژى نەهاتیە زانین زیانێن وێ چنە.

گولستان کوربان نووچەگەهانا ئێن ئاڕ تى ل ئامەدێ راگەهاند، ئاگر ب گرتیگەهەکا باژارێ باتمانێ کەتیە، د نها دا ئاگر ب پشکەکا گرتیگەهێ ڤەیە هەژمارەکا ئەمبولانسان بەرەڤ گرتیگەهێ دچن، زیانێن وێ ژى نەهاتینە زانین.

دیار ژى کر، گرتیان ئاگر ب گرتیگەهێ خستیە، ئاگر بسەر گرتیگەهێ دا بلندبوویە و دەنگ و گازیێن گرتیان دهێنە بهیستن.

دازانین ژى، دگەل ڤی بوویەرێ کەسوکارێن گرتیان بەرەڤ گرتیگەهێ چووینە، لێ هێزێن ئەولەهیێ ناهێلن پارێزەرین وان بچنە دناڤ گرتیگەهێ دا.