سەرنووچە:

وەزارەتا ناڤخۆ: هایداریێ ددەینە وان کەسێن کو داخوازا خرڤەبوونێ دکەن

فۆتۆ: 
2020-03-29

1207 جار خوێندراوەتەوە

وەزارەتا ناڤخۆیا هەرێمێ ڕاگەهاند، هایداریێ ددەینە وان وەلاتیان ئەوێن کو داخوازا بنپێکرنا یاسا و ڕێنمایان دکەن و هەر بنپێکرنەک و خرڤەبوونەک، دێ ڕوبڕوویێ سزایێن یاسای کەن.

ئەڤرۆ یەکشەمبێ، وەزارەتا ناڤخۆیا حکومەتا هەرێمێ د ڕاگەهاندنەکێ دا بەلاڤکر، " ب مخابنیڤە د ڤان چەند رۆژان دا، خەلکەکێ نابەرپرس، ب ئەشکرا داخوا بنپێکرنا یاسایێ و پێگیرنەبوون ب ڕێکار و ڕێنمایێن ساخلەمیێ دکەن  و بزاڤا خۆنیشاندانان دکەن، دخوازن ب مەرەمێن خۆیێن تایبەتی بەرژەوەندیێن گشتی ڕوبڕوویێ مەترسیان بکەن."

بەحسا وێیەکێ ژی هاتیە کرن، " دێ هایدارین توند دەینە وان وەلاتیێن ئەوێن کو داخوا بنپێکرنا یاسایێ دکەن، هەر خڕڤەبوون و بنپێکاریەک بهیتە کرن، دێ ڕووبڕویێ سزایان هێنەکرن، ژبەر کو ب ڤێ کاری دێ ساخلەمیا خەلکی و بەرژەوەندییا گشتی ڕوبڕوویێ مەترسیێن مەزن دکەن."

ئەو یەک ژی هاتیە،" داخواز ژ داخوازکاریا گشتی دکەین کو ڕێکارێن پێدڤی لهەمبەر هەر سەرپێچیکارەکی و بنپێکرنا ڕێکار و ڕێنمایان بگرێتەبەر".