سەرنووچە:

ئەڤرۆ دێ بڕیار لسەر درێژکرنا دەما قەدەغەیا هاتن و چوونێ هێتەدان

سوبەهی دەمێ دیارکریێ قەدەغەیێ بداوی دهێت
فۆتۆ: 
2020-03-29

642 جار خوێندراوەتەوە

بڕیارە ئەڤرۆ د جڤینا ناڤبەرا وەزیرێ ناڤخۆیێ هەرێمێ و پارێزگاران دا بڕیار لسەر درێژکرنا دەما قەدەغەیا هاتن و چوونێ د هەرێمێ دا بهێتەدان.

نووچەگەهانێ ئێن ئاڕ تی ڕاگەهاند، بڕیارە ئەڤرۆ یەكشەمبیێ وەزیرێ ناڤخۆ دگەل پارێزگارێن باژاڕێن هەولێر و سلێمانی و هەلەبجە و سەرپەرشتیارێ هەردوو ئیدارەیێن گەرمیان و ڕاپەرین ب ئاوایێ ئۆنلاین بجڤیت.

گوت ژی، د جڤینێ دا بڕیار لسەر درێژکرنێ یان هەلگرتنا قەدەغەیێ ددەن ب پشتگرێدان ب ڕاپۆرتا ژوورا ئۆپەراسیۆنێن بەرهەنگاربوونا کۆرۆنایێ.

ئەڤە ژی دەمەکێ دایە، دوهی بڕیار هاتەدان دەما ڕاگرتنا دەواما تەڤاهیا دامودەزگەهان ژبلی هێزێن ئەولەهیێ و ساخلەمیێ بۆ ڕۆژا ١٦ێ نیسانێ بهێتە درێژکرن، دەما قەدەغەیا هاتن و چوونێ ژی کو ل ڕۆژا ١٤ مەهێ دەستپێکربوو و چەندجاران هاتیە درێژکرن و دەما هەری داویی ژی هەیا ڕۆژا سوبەهی ١ێ نیسانێ یە.

س.م