سەرنووچە:

وەزارەتا پەروەردێ: ئەم ل ئالیەتەکێ دگەرین بۆ یەکئالیکرنا چارەنڤیسێ خواندنا ئەڤسالە

فۆتۆ: 
2020-03-28

7552 جار خوێندراوەتەوە

رێڤەبەریا گشتى یا وەزارەتا پەروەردێ راگەهاند، وەزارەتا پەروەردێ ژبەر درێژکرنا بهێنڤەدانا ناڤەندێن خواندنێ، ل دیف ئالیەتەکێ دا دگەرین بۆ یەکئالیکرنا چارەنڤیسێ خواندنا ئەڤسالە.

ئەڤرۆ شەمبیێ، جەلال هەمزە کاکەشین، رێڤەبەرێ گشتیێ وەزارەتا پەروەردێ بۆ مالپەرێ فەرمیی پارتى دیموکراتى کوردستان راگەهاند، "وەزارەتا پەروەردێ مژوولی چارەسەرکرنا ئاریشەیا ئەڤسالەیە"، گوت ژى،"ب هەمى پیڤەرەکێ مافێ قوتابیان نافەوتیت و وەزارەت بریارێ دێ لسەر چارەنڤیسێ ئەڤسالەیێ خواندنێ دەت و لدیف میکانزمەکێ گونجایی دگەرین".

بەحس ژى کر، "حەفتیا دەربازبووى دەربارەى چارەنڤیسێ خواندنا ئەڤسالە، جڤاتا وەزارەتا پەروەردێ جڤیایە".

دازانین ژى، "هەژمارەکا پێشنیاران بەرهەڤکرنە، لێ هەیا نها بەرچاڤ روونی بۆ وەزارەتا پەروەردێ نەبوویە هەیا بریارا داویێ بدەت، لێ ل ئالیەکێ گونجایی دگەرن و هەر دەما گەهشتنە چارەسەریا داویێ دێ رایا گشتى و قوتابیان هایدار کەین".