سەرنووچە:

زاخۆ.. چار خیڤەتێن کەمپا باجد کەندالا یا ئاوارەیان شەوتین

فۆتۆ: 
2020-03-28

63 جار خوێندراوەتەوە

دیجیتال میدیایا ئێن ئاڕ تی، زاخۆ، بێوار حیلمی

پەیڤدارێ ڕاگەهاندنا بەڕەڤانیا باژێڕێ دهۆکێ ڕاگەهاند، درەنگیا شەڤا دەربازبوویی ئاگرەک د ناڤ کەمپا باجد کەندالا یا زاخۆ دا دەرکەفت و ب وێ سەدەمێ ژی چار خیڤەت ب تەمامی شەوتین.

بێوار عەبدولعەزیز پەیڤدارێ بەڕەڤانیا باژاڕێ دهۆکێ بۆ ئێن ئاڕ تی دیارکر، بوویەر ل دەمژمێر دوویێ درەنگیا شەڤا دەربازبوویی پەیدابوویە و چ زەرەرێن جانی نەبوونە.

دازانین ژی، زەرەرێن مەزنێن ماددی بەر ب خودانێن وان خیڤەتان کەفتنە و هەر دگەل ئاگەهدارکرنێ تیمێن وان چووینە جهێ بوویەرێ و ئاگر کۆنترۆلکرنە.

دەربارەی سەدەمێن پەیدابوونا ئاگری، ناڤری گوت، هەیا نها سەدەمێ پەیدابوونا ئاگری نەهاتیە زانین و تیمێن وان پەڕەیێن ڤەکۆلینێ لسەر بوویەرێ ڤەکرنە.

کەمپا باجد کەندالا یا زاخۆ ل سالا ٢٠١٤ێ هاتیە دروستکرن و د نها دا ئاوارەیێن خەلکێ شنگال و زومار تێدانە، کو د هەمان سال دا ژبەر هێرشێن داعشێ مال و حالێن خۆ بجیهێلابوون.

س.م