سەرنووچە:

ئاسایشا سۆران دەربارێ دەستەسەرکرنا سێ کادرێن یەکێتی زەلاکرنەک دا

فۆتۆ: 
2020-03-26

993 جار خوێندراوەتەوە

ئاسایشل سۆران ڕاگەهاند، ئەوسی کەس ب سەدەما بنپێکرنا قەدەغەیا هاتنوچوونێ و ڤەگوهاستنا خەلکی ب قاچاغ هاتنە دەستەسەرکرن، چ سەدەمێن دی نەبوونە و نها ژی هاتنە ئازادکرن.

ئەڤرۆ پێنجشەمبێ، ڕێڤەبەریا ئاسایشا سۆران ڕاگەهاند، " دوهی شەڤێ ئەو سێ وەلاتیێن دۆلا بالەیان یا سەر ب ناحیا قەسرێ، ب سەدەما بنپێکرنا قەدەغەیا هاتنوچوونێ و ڤەگۆهاستنا خەلکی ب قاچاغ هاتنە دەستەسەرکرن".

بەحسا وێیەکێ ژی کر، ژ بلی وێ سەدەمێ چ سەدەمێن دی نەبووینە، تەڤاهیا وەلاتیێن وێ دەڤەرێ ژی ئاگەهدارێ وێ یەکێ کەنە، لێ مخابن هندەک کەس هەنە ڤی بابەتی ب سیاسی دکەن و ڕێگریێ ژ جیبجیکرنا یاسایێ دکەن."

د ڕاگەهاندنێ دا هاتیە، " ب سەدەما درۆستکرنا وێ ئاریشەیێ، ئێڤاریا ئەڤرۆ، پشتی کو جێگرێ سەرۆکێ حکومەتێ داخوازا ئازادکرنا وان کربوو، لسەر فرمانا سەرۆکێ حکومەتێ ئەوسێ کەس هاتنە ئازادکرن."

ئاماژە ب وێیەکێ ژی کر، " ئاسایش یاسا و ڕێنمایان وەک خۆ جیبجی دکەن و چ جودا کاریەکێ د ڤی بیاڤی دا ناکەن، هیڤیدارین دڤێ ڕەوشا نها یا دژوار دا تەڤاهیا ئالیێن سیاسی هەڤکاربن هەیا کو یاسا و ڕێنمای وەک خۆ بهێنە جیبجی کرن."

ئەڤەژی د دەمەکێ دایە، هەر ئەڤرۆ وریا وەسانی بەرپرسێ ڕێکخستنا کۆمیتەیا یەکێتی ل قەسرێ بۆ ئێن ئاڕ تی ڕاگەهاند، درەنگێ شەڤا دەربازبووی شەمال مەلا لێپرسراوی بنگەهێ قەسرێ یێ یەکێتیێ لاوانی کوردستان و کارۆخ بەکر پێشمەرگەهێ سەر ب یەکێتی ل سنورێ کۆمیتێ وان بێی بریارا دادگەهێ و ب نەیاسای هاتنە دەستەسەرکرن و هەیا نها ژی چارەنڤیسێ وان نەدیارە.