سەرنووچە:

ڕۆنشتنا سوبەهی یا پەرلەمانێ عێراقێ هات پاشخست

لسەر داخوازا محەمەد تۆفیق عەلاوی
فۆتۆ: 
2020-02-28

237 جار خوێندراوەتەوە

لسەر داخوازا محەمەد تۆفیق عەلاوی ئەرکدارێ پێکئینانا حکومەتێ، ڕۆنشتنا سوبەهی یا پەرلەمانێ عێراقێ بۆ دووزبا یەکشەمبیێ هات پاشخستن.

بەشیر حەداد جێگرێ سەرۆکێ پەرلەمانێ عێراقێ بۆ ئێن ئاڕ تی ڕاگەهاند، لسەر داخواز عەلاوی ڕۆنشتنا سوبەهی یا پەرلەمانی دەربارەی باوەڕی دان ب کابینەیا نوویا حکومەتا عێراقێ بۆ ڕۆژا یەکشەمبیا داهاتی هاتیە پاشخستن.

د نها دا ناڤێ ٢٠ کەسان بۆ ١٨ وەزارەتێن کابینەیا عەلاوی هاتنە بەلاڤکرن، دەربارەی وێ یەکێ ژی فالح زیادی پەرلەمانتارێ هەڤپەیمانیا نەسر ڕاگەهاند، مالێن شیعە و کوردان و سونەیان بەربەلاڤ و د ناڤخۆ دا یەک بڕیار نینە لسەر پێکئینانا حکومەتێ ژ ئالیێ عەلاوی ڤە.

دوهی محەمەد تۆفیق عەلاوی ب لیستا وەزیرێن خۆڤە و ب نیەتا وێ یەکێ دەنگ لسەر کابینەیا وی بهێتە دان چوو پەرلەمانی، لێ ژبەر لهەڤنەکرنا ئالیێن سیاسی و تەمامنەکرنا ڕێژەیا یاساییا پەرلەمانتاران جڤین بۆ سوبەهی هات پاشخستن.

س.م