سەرنووچە:

عێراق.. حالەتەکێ نوویێ توشبوون ب کۆرۆنایێ هاتە تۆمارکرن

فۆتۆ: 
2020-02-28

815 جار خوێندراوەتەوە

ڕێڤەبەرێ ساخلەمیا کەرخا باژاڕێ بەغدا ڕاگەهاند، ژنەک کو ل ولاتێ ئیرانێ ڤەگەڕیایە پشتی پشکنینان دەرکەفتیە هەلگرا ڤایرۆسا کۆرۆنایێ یە.

جاسب لەتیف ڕێڤەبەرێ ساخلەمیا کەرخا باژاڕێ بەغدا د بەلاڤکرنەکێ دا دازانین، ژنەکا تەمەن ٣٢ سالی کو چەند ڕۆژان بەریا نها ل ولاتێ ئیرانێ ڤەگەڕیایە و پشتی پشکنینێ ل نەخۆشخانەیا ئیمامەین دەرکەفتیە هەلگرا ڤایرۆسێ کۆرۆنایێ یە و ئەڤە ژی دوویەم حالەتە ل بەغدا دهێتە تۆمارکرن.

بەحسا وێ یەکێ ژی کریە، د نها دا ئەو ژنە کو هەلگرا وێ ڤایرۆسێ یە ل نەخۆشخانەیا ئیمام کازمە و دبن چاڤدێریا هوورا نۆژداری دایە.

ئەڤە ژی دەمەکێ دایە، دوهی پێنجەم حالەتێ توشبوون ب ڤایرۆسا کۆرۆنایێ ل باژاڕێ کەرکوکێ هاتە تۆمارکرن و تەڤاهیا توشبوویان ژی ب ڤایرۆسێ د عێراقێ دا بۆ حەفت کەسان بلندبوو.

س.م