سەرنووچە:

بی بی سی: هەری کێم ٢١٠ کەسان ژبەر کۆرۆنایێ ل ئیرانێ ژیانا خۆ ژ دەستدانە

بەلاڤبوونا ڤایرۆسا کۆرۆنا
فۆتۆ: 
2020-02-28

298 جار خوێندراوەتەوە

ڕووپەلا بی بی سی بەلاڤکر، ژێدەرەکێ تایبەت ژ کەرتێ ساخلەمیا ئیرانێ بۆ وان ڕاگەهاندیە، هەیا نها هەری کێم ٢١٠ کەسان ژبەر کۆرۆنایێ ل وی ولاتی ژیانا خۆ ژ دەستدانە.

ڕووپەلا بی بی سی بەلاڤکر، وی ژێدەری نووچەیا ناڤەندێن حکومیێن ئیرانێ ڕەتکریە و ڕاگەهاندیە، هەژمارا مرن و توشبوون ب ڤایرۆسا کۆرۆنایێ گەلەک ژ وان ئاماران زێدەترە کو حکومەتێ بەلاڤکریە.

دیارکریە ژی، پڕانیا وان کەسێن کو ژیانا خۆ ژ دەستداینە و توشی ڤایرۆسێ بووینە دکەڤنە باژاڕێن تەهران و قومێ.

د هەمبەر دا ژی، کیانوش جەهانپور پەیڤدارێ وەزارەتا ساخلەمیا ئیرانێ ئەڤ نووچەیا بی بی سی ڕەتکریە.

پێشتر ژی مایک پۆمپیۆ وەزیرێ دەرڤەیێ ئەمریکا ڕاگەهاندبوو، ئیران زانیاریێن ڕاست دەربارەی بەلاڤبوونا کۆرۆنایێ دڤەشێریت.

ئەڤە ژی دەمەکێ دایە، ئەڤرۆ وەزارەتا ساخلەمیا ئیرانێ ڕاگەهاند، هەژمارا وان کەسێن کو ژبەر کۆرۆنایێ ژیانا خۆ ژ دەستداین بۆ ٣٤ کەسان و توشبوویان ژی بۆ ٣٨٨ کەسان بلنبوویە.

س.م