سەرنووچە:

سەقاناسی: پێلەکا بەفر و بارانێ دێ هەرێمێ ڤەگریت

فۆتۆ: 
2020-02-28

1379 جار خوێندراوەتەوە

ڕێڤەبەریا سەقاناسیێ ڕاگەهاند، سوبەهی شەمبیێ پێلەکا بارانبارینێ دێ دەڤەرێن هەرێما کوردستانێ ڤەگریت و ڕۆژا یەکشەمبیێ ژی ل هندەک دەڤەران بەفر دباریت.

ڕێڤەبەریا سەقاناسی و عەردهەژا هەرێما کوردستانێ د ڕاگەهاندنەکێ دا دیارکر، ژبەر هاتنا باندۆریا پالەپەستۆیەکێ ل دەریایا سپی دهێتە پێشبینیکرن سوبەهی شەمبیێ پشتی نیڤرۆ بارانبارین کو هندەک جاران بریسی دگەلدا دبن، دەستپێکێ دێ ل ڕۆژئاڤایێ هەرێما کوردستانێ و پارێزگەها دهۆکێ دەستپێکەت.

بەحسا وێ یەکێ ژی کریە، بۆ ڕۆژا یەکشەمبیێ باندۆریا وێ پێلێ زێدەتر دبیت، بارانبارین دێ تەڤاهیا دەڤەرێن هەرێما کوردستانێ ڤەگریت کو ل هندەک دەڤەران باران کێم و ل هندەک دەڤەران ژی بهێز دێ باریت.

دایەزانین ژی، لەزاتیا بای دێ یا چالاک بیت و گەهیتە ٣٠ کیلۆمەتران د دەمژمێرەکێ دا و پلەیێن گەرمێ ب ڕێژەیەکا بەرچاڤ دێ داکەڤن هەڤبەرکرن دگەل پلەیێن گەرماتیا ئەڤرۆ.

ئاماژە ب وێ یەکێ ژی کریە، بەفر دێ ل دەڤەرێن چیایی باریت و باندۆریا وێ پێلێ ژی ڕۆژا دووشەمبیێ دێ بداوی هێت.

س.م