سەرنووچە:

ئیران.. ئامارا جان ژ دەستدانا ب کۆرۆنایێ زێدەتر بلندبوو

فۆتۆ: 
2020-02-28

299 جار خوێندراوەتەوە

میدیایێن ئیرانێ بەلاڤکرن، ئامارا جان ژ دەستدانا ب سەدەما كۆرۆنایێ زێدەتر بلندبوویە و گەهشتیە ٣٤ کەسان.

میدیایێن ئیرانێ لسەر زارێ پەیڤدارێ وەزارەتا ساخلەمیا  وی ولاتی بەلاڤکریە، د دەما ٢٤ دەمژمێرێن دەربازبوویی دا ٨ کەسێن دی ب سەدەما کۆرۆنایێ ژیانا خۆ ژ دەستدانە و ب وێ یەکێ ژی هەیا نها ٣٤ کەسان ب سەدەما وی ڤایرۆسی ژیانا خۆ ژ دەستدانە.

دیارکریە ژی، د تەڤاهیا وەلاتی دا زێدەتر ژ ۳٨٨ کەس ب توشبووی ب وی ڤایڕۆسی هاتنە تۆمارکرن و دبن چاڤدێڕیێ دا هاتنە دانان.

ئەڤە ژی دەمەکێ دایە، ڕۆژا ١٨ێ سباتا ٢٠٢٠ێ ل باژڕێ قوما ئیرانێ بۆ یەکەمجار دوو حالەتێن توشبوون ب کۆرۆنایێ هاتنە تۆمارکرن و هەر د هەمان ڕۆژ دا وان هەردوو توشبوویان ژیانا خۆ ژ دەستدان.

لگۆری نووترین ئاماران ژی، هەژمارا وان کەسێن هەیا نها ل جیهانێ ژبەر کۆرۆنایێ ژیانا خۆ ژ دەستداین بۆ دوو هزار و ٨٦٧ کەسان و توشبوویان ژی بۆ ٨٣ هزار و ٧٣٤ کەسان بلنبوویە. هەڤدەم هەیا نها ٣٦ هزار و ٤٣٩ کەس ژ وێ نەخۆشیێ چێىوونە.

س.م