سەرنووچە:

ئەرێ یەکێتیا ئەوروپا دێ دەرگەهێن سنوریێن خۆ بۆ پەنابەران ڤەکەن؟

فۆتۆ: 
2020-02-28

361 جار خوێندراوەتەوە

یەکێتیا ئەوروپا ڕاگەهاند، پێڤدیە ڕێ ب کۆچبەران نەهێتە دان سنوران دەرباز بکەن، یۆنان و بولگاریا ژی ب درێژاهیا سنورێن خۆ دگەل تورکیا هێزێن لەشکەری بنەجیکرنە.

ڕووپەلا یۆرۆنیوز بەلاڤکر، یەکێتیا ئەوروپا ڕاگەهاند، سالا ٢٠١٦ێ تورکیا یاسایەک دەرکریە کو تێدا دێ ڕێ ژ هەر کۆچبەرەکێ نەیاسایی گریت کو سنوران دەرباز نەکەن، بڤێ یەکێ ژی پێدڤیە نها تورکیا بخۆ ڕێزێ ژ یاسایێن خۆ بگریت".

هەڤدەم، بەرپرسێن یۆنان و بولگاریا ژی ڕاگەهاندن، دێ ب دژواری سنوران پارێزن و ڕێ ب هاتنە ژوورا چ کۆچبەرەکێ نادەن، بۆ ڤێ یەکێ ژی هێزێن لەشکەری ب درێژاهیا سنورێن خۆ دگەل تورکیا  دا بەلاڤکرنە.

هاتیە دیارکرن ژی، کو زێرەڤانێن سنورێ ناڤبەرا یۆنان – تورکیا گازا ڕۆندک ڕێژ بسەر زێدەتری ٥٠٠ کۆچبەران دا کریە کو بزاڤکرنە بچنە ناڤ ئاخا وی ولاتی و کۆچبەران هاوار کرینە کو دەرگەهێن سنوری بۆ وان ڤەکەن.

ژ ئالیەکێ دی ڤە، هندەک ژ میدیایێن ئەوروپا بەحسا هەژمارەک کۆچبەران دکەن کو ب ڕێیێن ئاڤی و ب بەلەمان گەهشتنە گزیرتا لیسبۆس ل یۆنانێ.

ئەڤە ژی دەمەکێ دایە، شەڤا دەربازبوویی کاروانەکێ لەشکەریێ تورکیا ژ ئالیی هێزێن حکومەتا سوریاڤە هاتە بۆمبەبارانکرن و ب وێ سەدەمێ ژی ٣٣ لەشکەر هاتن و کوشتن، د هەمبەر دا ژی تورکیا ژبلی بەرسڤا لەشکەری سنورێن خۆ لهەمبەر کۆچبەران بۆ چوون بۆ ئەوروپا ڤەکرن.

س.م