سەرنووچە:

بۆ یەکەمجار ئەڤرۆ دەرمانێ چارەسەرکرنا کۆرۆنایێ دێ لسەر مرۆڤی هێتە تاقیکرن

فۆتۆ: 
2020-02-27

931 جار خوێندراوەتەوە

ئەڤرۆ بۆ یەکەم جار سەنتەرێ نوژداری یا زانینگەها نێبراسکا دەست ب تاقیکرنا دەرمانێ کۆرۆنایێ لسەر مرۆڤی کر.

ڕۆپەلا سی ئێن ئێن بەلاڤکریە، پەیمانگەها نیشتیمانیا ساخلەمیا ئەمریکا ڕاگەهاندیە، " یەکەم کەس کو دێ تاقیکرنێ لسەر ئەنجام دەن، سەرنشینەکێ کەشتیا شازادەیێ ئەلماس کو ژ بەندەرێن ژاپۆنێ ئێخستبوونە بن چاڤدێریێ.

بەحسا وێیەکێ ژی کر، بۆ پەتایا ئیبۆلا و سارس و مێرسی کۆرۆنایێ هاتیە تاقیکرن و  سەرکەفتن بدەست خستیە و هیڤیدرارن ژی بۆ کۆڤید-١٩ێ ژی سەرکەفتنێ بدەستبخە.

ئاماژە ب وێیەکێ ژی کر، دەستپێکێ دێ ٢٠٠ میلیگرام ل ب توشبوویان دهێتە دان و ل دەما مانا وان ژی د نەخۆشخانەیێ دا، کو چێدبیت هەیا کو ١٠ ڕۆژان بیت، دێ١٠٠ میلیگرامێن دی پێ بهێتە دان.

ئەڤەژی د دەمەکێ دایە، حالەتێن توشبوون ب کۆرۆنایێ ل ئەمریکا بۆ ٦٠ کەسان بلندبوویە کو هەری کێم ٤٢ ژ وانا سەرنشینێن کەشتیا شازادەیێ ئەلماس ل بەندەرەکێ وەلاتێ ژاپۆنێ بوونە.

ڤایرۆسا کۆرۆنایا نوو (کۆڤید١٩) ل داویا سالا ٢٠١٩ێ ل باژاڕێ وهانێ یا چینێ بەلاڤبوویە و هەیا نها ژی بوویە سەدەمێ ژیان ژ دەستدانا ٢هزار و ٨٠٥ کەسان و توشبوو ژی ٨٢ هزار و ١٤٣ کەس، دگەل وێیەکێ ژی دا، هەیا نها ٣٢ هزار و ٧٥٦ کەس ژ وێ نەخۆشیێ چێبوونە.