سەرنووچە:

بەغدا.. یەکەم حالەتێ توشبوون ب کۆرۆنایێ هاتە تۆمارکرن

وەزارەتا ساخلەمی
فۆتۆ: 
2020-02-27

285 جار خوێندراوەتەوە

وەزارەتا ساخلەمیا عێراقێ ڕاگەهاند، ل بەغدا پایتەخت یەکەم حالەتێ توشبوون ب کۆرۆنایێ هاتە تۆمارکرن.

وەزارەتا ساخلەمیا عێراقێ ئاماژە ب وێیەکێ کریە، کەسێ توشبوو گەنجە و ل ئیرانێ ڤەگەڕیایە، پشتی کو سەرەدا نەخۆشخانەیەکێ کریە و پشکنین بۆ هاتیە کرن، دەرکەتیە هەلگرێ ڤایرۆسا کۆرۆنایە.

دیارکر ژی، هەیا نها ئەو گەنج ل یەک ژ نەخۆشخانەیێن باژارێ بەغدا دبن چاڤدێریا نوژدری دایە و بارێ ساخلەمیا وی ژی باشە.

زەلالکر ژی، هەموو ڕێکارێن کو د ڕێنمایێن ڕێکخراوا ساخلەمیا جیهانێ دا بۆ ڕێگری کرن ژ وێ نەخۆشیێ گرتنەبەر.

ئەڤەژی د دەمەکێ دایە، هەیا ل باژاڕێ کەرکوکێ ٤ حالەتێن توشبوون ب کۆرۆنایێ هاتنە تۆمارکرن، ب وان ژی هەژمارا توشبوویێن وان کەسێن کو ژ ناڤەراست و باشورێ عێراقێ توشی وێ نەخۆشیێ بوونە هەیا نها گەهایە شەش کەسان.