سەرنووچە:

​حکومەتێ زەلالکرنەک لسەر بهێنڤەدانان بەلاڤکر

دێ پەروەردێ و خواندنا بلند ژی ڤەگریت
فۆتۆ: 
2020-02-26

1977 جار خوێندراوەتەوە

حکومەتا هەرێما کوردستانێ زەلالکرنەکا چەند خالى دەربارەى بهێنڤەدانان بەلاڤکر.

جوتیار عادل پەیڤدارێ حکومەتا هەرێما کوردستانێ د راگەهاندنەکێ دا بەلاڤکریە،" ل تەڤاهیا ناڤەندێن خواندن و باخچە و قوتابخانە و پەیمانگەهێن سەر ب وەزارەتا پەروەردێ ڤە ب حکومی و نەحکومی  و تایبەت ل ڕۆژا چوارشەمبێ ٢٦ێ سباتا ٢٠٢٠ێ هەیا کو ڕۆژا سێشەمبیێ ڕێکەفتی ١٠ێ ئادارا ٢٠٢٠ێ دێ بیتە بهێنڤەدانا فەرمی و ڕۆژا ١١ ێ ئادارێ هەیا کو ٢٤ ێ ئادارێ بهێنڤەدانا بهارێیە، ڕۆژا سێشەمبیێ ٢٤ ێ ئادارێ خواندن دێ دەستپێکەت ".

ئاماژە کریە ژی، "ل تەڤاهیا زانینگەهـ و پەیمانگەهێن سەر ب وەزارەتا خواندنا بلند و ڤەکۆلینێن زانستی ب حکومی و تایبەت ڤە ل ڕۆژا شەمبیێ ڕێکەفتی ٢٩ ێ سباتا ٢٠٢٠ هەیا کو ڕۆژا سێشەمبیێ ٣١ ێ ئادارا ٢٠٢٠ دێ بیتە بهێنڤەدانا فەرمی و ڕۆژا چوارشەمبێ ١ ێ نیسانا ٢٠٢٠ێ خواندن ل وان جهان دێ دەستپێکەت".

ئاشکرا ژی کریە،" وەزارەتا کار و کاروبارێن جڤاکی دەستهەلاتا ڕێکخستنا دەوامی دایەنگە و خواندنگەهـ و پەیمانگەهێن سەر ب وەزارەتێن وان ڤە دێ پێ هێتە دان ب بەرچاڤگرتنا بڕگەیێن ڤێ بڕیارێ ".

بەحس ژی کر،" هەردوو وەزیرێن پەروەردێ و خواندنا بلند دەستهەلاتا قەرەبووکرنا وان ڕۆژان هەیە کو ب بهێنڤەدان هاتنە هژمارکرن بۆ سالا خواندنا ٢٠١٩ – ٢٠٢٠".