سەرنووچە:

وەزیرێ ساخلەمیا هەرێمێ: هەیا نها چ حالەتەکێ توشبوون ب ڤایرۆسێ کۆرۆنا نەهاتیە تومارکرن

فۆتۆ: 
2020-02-25

239 جار خوێندراوەتەوە

وەزیرێ ساخلەمیا هەرێمێ راگەهاند، هەیا نها چ حالەتەکێ توشبوون ب ڤایرۆسێ کۆرۆنا نەهاتیە تومارکرن، رۆژانە زانیاریان دەربارەى ڤایرۆسێ کۆرۆنایێ دهێنە بەلاڤکرن.

سامان حسێن بەرزنجی وەزیرێ ساخلەمیا هەرێمێ د کونفرەنسەکێ رۆژنامەڤانی دا راگەهاند، هەیا نها نێزیکى دوو هزار کەسان ژ ئیرانێ ڤەگەریانە و حەفت کەس وەک گومان لێکری جووداکرنە و پشتى پشکنیان شەش پاقژبوونە و یەک ژی مایە.

راگەهاند ژى، هەیا نها چ حالەتەکێ توشبوون ب ڤایرۆسێ کۆرۆنا ل هەرێما کوردستانێ نەهاتیە تومارکرن و گوت ژى، "هەر کەسێ ل ئیرانێ ڤەگەریت دکەڤیتە بن چاڤدێریێ".

هەروەسا راگەهاند، وەک وەزارەتا ساخلەمیێ رۆژانە زانیاریان دەربارەى ڤایرۆسێ کۆرۆنایێ بەلاڤ دکەن، هەیا کو دوودلی و ترس د ناڤ وەلاتیان دا نەمینیت و باندوری لسەر بازار و جهێن گشتى درۆست نەبیت.

گوت ژى، "ژ رۆژا ئەینیێ ڤە نێزکی دوو هزار گەشتیاران ل ئیرانێ ڤەگەریانە و دبن چاڤدێریا نوژداران دانە و نێزیکی ١٠ جهێن تایبەت بۆ هاتنە دابینکرن بۆ ئەنجامدانا پشکنینان و چاڤدیریکرنا هەر کەسەکێ کو ژ ئیرانێ ڤەگەریت و پشکنینا پلەیا گەرمێ بۆ دهێتە کرن هەیا پشتراستبن ، بزانن توشی کۆرۆنایێ بوویە یان نە".