سەرنووچە:

چار رێکان بکاربینە دێ بەرگریا لەشی بهێز دکەڤیت

فۆتۆ: 
2020-02-25

846 جار خوێندراوەتەوە

بهێزبوونا سیستەمێ بەرگریا لەشی رولەکێ سەرەکی هەیە ژ پاراستنا لەشەکێ بۆ نەخوشیێن جوودا و ب تایبەتى نەخوشیێن وەرزی، سیستەمێ بەرگریا لەشی ب کومەکا رێکان دهێتە بهێزکرن.

گۆڤارا "فرۆیندین"یا ئەلمانی د بابەتەکێ ساخلەمی دا کومەکا ڕێنمایی و ئامۆژگاریان بەلاڤدکەت، کو سیستمێ بەرگریا لەشی بهێزدکەن و ئەگەرن بۆ گەشەنەکرنا ڤایرۆسی د لەشی دا:

ــ هاڤسەنگیکرنا شەهداریێ د مالێ دا

ڤایرۆس و سەرما و نەخۆشیێن وەرزێ زستانێ بەرگریێ دکەن د کەشەکێ شەهدار دا، ژبەر وی یەکێ نابیت شەهداریا مالێ ژ ٥٠ پلەیێن سەدی دەربازنەبیت، لگوری ڤەکولینەکا زانکۆیا پرینستۆن، ڤایرۆس د کەشێ شەهداردا زێدەتر بەلاڤ دبیت، کو ئەگەرە بۆ هشکبوونا گەوی و دفنێ، ئەو ژى دێ یا بساناهی بیت کو ڤایرۆس بچیتە د ناڤ لەشی دا.

ــ وەرزشکرن

وەرزشکرن سیستمێ بەرگریا لەشی بهێز دکەت و دژی ڤایرۆس و نەخۆشیێن وەرزی دراوەستیت، ئەو کەسێن کو لەشەکێ ب رێکوپێک ب وەرزشی، حەفتیێ دووجاران بۆ سێ جاران و بۆ دەما ٦٠ خولەکان وەرزشێ دەکەن، لەشێ وان کێمتر ریبری ڤایرۆسی دبیت، ب هەڤبەرکرن دگەل وان یێن وەرزشێ نەکەن، باشترە ڕۆژانە بۆ دەما ٣٠ خولەکان ب پێیان هاتن و چوونێ بکەی.

ــ سیستەمەکێ خوارنا ساخلەم

کۆمەکا خوارنا هەنە کو سیستەمێ بەرگریا لەش بهێز دەکەن، بتایبەتی ئەوێن ڤیتامین سی تێدا وەکی فێقیێن ترش و سیلینیۆم د چەرەسات و ڤیتامین دی د ماسیێ دا و زینک د شۆڤانێ دا دگەل ئاسنی د گۆشتێ سور دا، خوارنا ٧٥ میلیگرام زینکی د ڕۆژەکێ دا مەترسیا توشبوون ب تایان سێ جارا هند کێم دکەت.

ــ میزاجێ کەسی

ڤەکولینەکا زانکۆیا "کنتاکی" دەرخستیە بەرگریا لەشی لدەف وان کەسان یا بهێزە کۆ زێدەتر تێگەهشتینە و گەشبینن و ئەرێنییانە هزردکەن، کێمتر ترس و دودلی هەی، باشترە ژ ماندیبوون و بیزاریێ دووربکەڤن و هەستێن دڵخۆشیێ زێدەتر بکەن ، ژبەر کو ئاستێ کۆرتیزۆڵێ د خوینێ دا زێدە دکەت ، کو ڕۆڵەکێ سەرەکی هەیە بۆ ڕێگریکرن ژ تێکنەچوونا بەرگریا لەشی.